沖繩

某一日行街時 諗住同他行下睇下package 啦 點知俾我地見到而家去沖繩 5日 5千幾  真係抵到無朋友  但我地都要深思考慮一下先 再問下其他朋友有無興趣

結果我的他 有一pair 情侶都有興趣 而佢地都可以拎假 結果沖繩之旅俾我地誤打誤撞就實行了 hehe 

其實我地係報團 個團都成左行 只不過團入面有兩日是自由活動 我地已經打算一日係水上活動 yo  海底世界 我黎了 我想摸下魚仔哦 好想玩水上電單車哦 另一日我地打算shopping同休息 其實沖繩都無咩野買 ( 對於我的他 他應該好開心 因為不用失血過多) 哈哈 

雖然6月廿幾號先出發  但我個心情已經開始進入放假mood 啦 hehe

p.s  我們之間已經有個promise 就是去理今次 就要等honey moon 先可以再去了  我要忍忍忍 

婆婆

今日過得很灰 

婆婆入左醫院   其實近lee 幾年 婆婆身體差左好多  今日仲入左醫院 雖然沒有太大問題 但個心都好up

雖然信仰使我知道婆婆就算走左 佢會番天堂 天堂是一個很美的地方 但始終都是不想 不想 很想佢睇住我結婚 好想佢睇住我生小朋友 我仲好掛住婆婆對我的愛

我lee 幾日我都諗番婆婆細個帶我同弟弟番學放學 之後日日都有不同食物 有時佢有涼茶 婆婆就會買包包俾我地食 我地兩個仲唔準婆婆走  唔知點解 ???

婆婆仲有煮野食好好好好叻 我敢說我所有亞姨包括我亞媽無一個煮野食叻過佢 我中學的christmas party 大部份食物都是我準備 因為個個同學都話我亞婆煮d野食好正 婆婆仲有煲魚湯好好食 佢d魚湯令到我地可以食好多飯 但近lee 幾年 婆婆已經沒有煮了 因為佢老了

如果可以的話 我希望婆婆可以健康   我好唔想佢走 但最近好像好多時都有人同我講 佢離開的日子好近 但我真係唔想有lee 一日

買樓

時光番番去某一個星期六  去左朋友的新屋 好靚呀 讀design 真係讀design 成間屋好warm  因為好多地方都放左佢地一家人的相 好鍾意呀 另外 朋友的姐姐黎緊6月會有show 叫做囍貼街 成個故事都是自己諗 同自己排  大家都買飛多多支持本地創作啦 

今次我地叫左d野食 屋主就整左d食物 另外叫左兩個大pizza  之前我轉登買左一條大大的 三文魚就係留番個日食 我同事幫我買的  好大條 只是百幾蚊  hehe 

食完 仲去左佢個club  house 玩 其實我真係好想自己的屋企有club house  但眼見有club house的樓真係好貴 而且男朋友希望第日屋企大 好過有club  house wor 

另外 我地就係實行左第一次 就係睇樓 hehe 好多人都知我地想買樓 就叫我地而家唔好買住 因為樓價貴 但眼見樓價一日比一日升咁點 ??? 何況我又覺得係自己住 只要是合心水買貴d都ok 最最最重要是 香港錢 一日比一日唔值錢 與其我覺得用d錢買股票 ( 雖然我都有買) 不如買層樓租俾人住都ok 呀 所以就去左睇樓了

第一次是: 淘大花園 唔睇都好d 一睇就 ....................  我諗個業主應該搵笨多 其實我同男朋友都希望找一個佢唔需要有太多裝修 但反而是便宜d 的樓 因為你的style 唔一定是我的style 但尋日睇個間就有好靚的  但完全不是我心水 所以我地又運吉了 hehe 

好多朋友都說我同佢好叻 而家已經夠錢買樓 但其實我地有努力過 其實我想講是: 當你們去日本時 我都好想去 當你們買野唔使諗時 我都好想好似你咁 當你們手持 i-phone時 我都想有一部 當你們行街時 我仍然在家中攪我的網上小生意 所以任何野都有得就有失  朋友 努力哦

最後 有無人可以俾到d 買樓小tips 我呀