近況

原來都好耐無打日記了 不過真是好想紀錄一下

番左新工 一個星期了  多謝朋友 介紹    其實走唔走都諗左好耐 始終係以前公司做左好幾年 係有感覺  但人總是要長大   新公司 暫時感覺可以 只是好多野做 希望可以攪得掂

早排 同屋企人一行好多人去左沖繩玩  行程 住宿 都係我諗 我計劃 其實都幾驚 有咩安排唔好   幸好 大家都玩得好開心  其實行程都唔係好緊密 因為我地係老 ( 我亞爸, 亞媽 大姨 ) , 中 ( 我地 包括 我 家姐 男朋友 表哥 表姐 ) 幼 ( 破壞力好驚人的小朋友  好恐佈 ) 我地自己渣車  第一日 我表姐佢地同我同理我男朋友一部車 第二日 我男朋友立即話 唔可以再同佢地一部車 哈哈  夜晚我同表哥 同家姐 係酒店露台仔 傾計   好歹無試過 我地仲記得細細個 係亞姨 亞媽帶我地玩 而家 係我地帶番佢地 時間過得太快了 雖然行程短 但我覺得佢地老人家玩得好開心. 人大左 真是覺得屋企好重要   雖然去完 佢地係咁話 日本有咩好去 咩都貴 但我亞媽 買左幾袋手信派俾朋友  好貴 哈哈  可以的話 我表姐話下年再攪 . 哈哈


媽媽手術唔可以做住了   其實有好有唔好啦 .


最近因為一點限問題  要開始搵屋搬 ( 我自己)  希望盡快睇岩啦  

德國之旅 幕尼黑

上文講到 我地去完天鵝堡之後 我地就坐車出番去番酒店 meet 番 個兩位朋友

佢地帶我地去左食當地餐廳 其實我同番我家姐講 佢話我地好大膽 兩個女仔 同人地 三五識 7 就出左去玩

不過我見我地又係大街大巷食飯 應該都無咩問題,   食完飯 又行下 　去左地標　

瑪利恩廣場　　其實成坐野好大　不過我唔識影　後尾睇番書　原來日頭係會有表演　

不過夜晚都好靚

＜＜＜　　意粉好好呼　我地搵左好耐先刈意粉食　

最近心情好差　　睇完去旅行相　好想再去旅行　離開香港　　香港好嘈　　

德國之旅 －－－ 幕尼黑

去完啤酒節 第二日行程 係去新天鵝堡 我上網睇 個個人都話好靚呀 必去

我地上網睇資料唔多 係火車站攪左勁耐 哈哈 我地後面原本排我地條隊個d人 走哂 哈哈 之後撞到一個識英文的人幫我地買 唔係我地就買左貴一倍車票了

買左車票我地就買早餐 外國真係咩都大件 我地兩個女仔share 一件pizza 都食唔哂

我地就車上面又自拍　我地成日影完都話　其實自拍黎都無用　都唔會記得我地去左邊　哈哈　

火車大約係兩個幾鍾就到了  基本人去到車站跟住人行就ok 我地最後無賣票入城堡睇 一黎太貴 二黎上網好多人唔買都可以 因為入面無咩野睇

　我地行緊上山時候　又影下　其實個日天氣唔係哂　我都唔明點解我地會帶眼鏡　哈哈　好好笑　

行緊上山時候　見到有人坐馬車代步　其實唔只馬　仲有接駁車物體　我地最後就係坐接駁車上去　都要俾一蚊定兩蚊　我地無車馬車　一黎貴　二黎覺得佢地好慘呀　我見到有兩隻車　馬車　坐左６個鬼佬上山　個個都大大件　好慘　

　就是這樣馬　見到都覺得慘　仲要行上山我朋友話　感覺到佢地好辛苦　

＜＜＜　　有個外國人幫我地影　又叫旁邊ｄ人借借　超好人

就是這個了　簡直好似　一幅畫咁　好靚　

影完地標　我地慢慢落山　又影另一個地標　

　好靚　

影完一個　圈　就係個到坐火車番出去幕尼黑了　正　

係車到　我地兩個都訓到死左　之後番酒店　因為約左第一晚識個班外國人一齊食飯　好開心

行程第三日

行程第三日 我地就出發去德國了  我地仲因為慳錢 仲價航空 玩做背包客

睇個背包都覺得重呢 哈哈  

我地仲要因為無得handcarry  我地又可能因為係華人 check 野比人嚴law 我覺得 哈哈 又或者我地個樣似壞人


德國之旅 我地第一站係幕尼黑 其實真心多謝友人相就 因為我想去就係因為啤酒節 上網睇 個個都讚好好玩 因為好多酒店都好爆 我地今次住lee 間 平時都係5百幾蚊一晚 今次我地租要成 千幾蚊晚   令到成個cost 拉高左
＜＜＜　　　酒店對出　其實好想係德國做工程　我眼見佢地起個ｄ　樓好多都係一樣　哈哈　

到步後 我地去左酒店check in 先  可能太少中國人去 德國  好多人都對我地好好奇 check in 時候 就有幾個外國人同我地傾計 我地仲要住埋同一層  原來佢地係英國人  好攪笑   之後我地約埋一齊去啤酒節   超開心 超愉快   我地試左好多唔同啤酒  又識左兩個外國人  最神奇係 我地交換左facebook　佢真係有ａｄｄ　我地　哈哈　佢話今年　７月黎香港玩　哈哈　

啤酒節入面部份俾人玩東東　

我地係啤酒節買左一個好似熱狗的包包食　　其實好難食　哈哈　不過無計

　我地玩到夜晚１１點幾就走左　好開心　　

歐洲之旅 -- 英國

第二日

原本我地今日1plan左去outlet   但我地兩個實在低估朝早番工人潮    我地就坎左班火車去outlet shopping 戈人`後我同朋友都覺得今次有錢多 係因為去唔到outlet 哈哈


去唔到都無計  我地去車站搵間coffee shop 坐低先 食左早餐先  間餐廳真是係咩人 好舒服

我坏第一餐  我鍾意佢杯咖啡  好正 

之後我地唯有轉場去唐人街 行下 食下野 仲買左歌劇戲票   之後我地兩個去左priima marl 掃野  再去左食海鮮  間野唔貴呀 仲好好味 我地誤打誤撞都撞到間好野 哈哈 事後 我地有一晚都去左encore 哈哈

係唐人街同左個派傳單的人兄影相  佢真係好正 個LOOK 

食完野 我地又見無咩野行 就番B&B 先 又同屋主傾下計  之後就有好多朋友都話香港好混亂 我朋友 即是我而家男朋友仲話 香港好混亂 最好唔好番黎 哈哈 我之後有問番佢咁仲個陣已經鍾意我  仲叩我唔好番黎 想點 哈哈  


夜少少 我地又出發去食小小野   之後就去睇歌劇   係我選   其實套野都係講革命  其實我想講 外國人睇劇 真係好識尊重   至少我睇個陣時  全場沒有人講電話

去歌劇院前佞的  都幾好味 

到TAKE BREAK 個陣  旁方有兩倨法國人同我地傾計 知道我地係香港黎 都叩我地加油 佢話個場革命  好多地方都有講 佢朋友仲SEND 左MOVIE 佢睇   好驚訝

我地睇左LEE 套 真係好好好好睇
睇完都夜了 我地仲去左間BAR 學人睇下 飲左一杯卜3走

歐洲之旅 @2014

原來好耐無打日記 係早兩日俾番我地去旅行相我 我先想起 我無打過歐洲之旅日記

今次我地歐洲之旅日記 地方 得三度 都去左好多日

包括: 英國 倫敦 加YORK

         德國 : 幕尼黑   柏林

                    維也納

第一度 係英國

          住宿 係b&b 機票我地2013年年尾買定  7千蚊有找 當然係轉機 但我已經覺得好抵 係坐卡搭爾空航 同國泰航空   我覺得前者 食物同坐位仲好過後者  位又闊  食物仲好味 又多野食 食到唔食 哈哈 

         我地一到步 就去住地方 我地係住b&b  價錢好抵 係一對台灣人攪 早餐又會整得好味  又會教我地去邊度好  

我影得唔係咁好  其實屋1面好似tiffany 色咁 好靚  我覺得好抵住 仲有洗淨衣機洗 3  係好緊要 

          我地第一日 就去左london bridge 我之前做野都去過 不過朋友未去過 所以又去左 不過去旅行感覺點都唔同d  開心好多   我地係旁邊間coffee shop 飲野  

梳洗完就出發去睇景了  之後我地又做埋港女野 就係自拍 我地仲帶左自拍神棍去   帶來好多外國人查詢 哈哈 

因為時差問題  我地好快就買野食番去b&b 度食  屋主仲煮左野俾我地食 陰功  好成咁 哈哈 傾傾左一陣計  我地就訓了  

           

歡樂聯盟之**橫琴長隆海洋王國

12/7/2014 我同一班中學同學上左大陸的新開的長隆公園玩 我地兩個月前已經約好左 hehe

其實真係好難得 因為我地有12個人去 不過就難為d 團友 因為我地實在太嘈啦 我地都有d 唔好意思

其實個團真係好抵好抵 雖然 d 團餐好ma ma 但都可以接受 哈哈 仲有 我地個團都係$659 已經包左入場 我地玩到夜晚呀 抵 仲有個水族館都好值得去  

第二日去左國父孫中山 紀念館 我地仲影左好多相  超開心的兩日 我朋友話我地整班同學好難得 咁多年仲keep 到聯絡 朋友話我地d 對話好好笑 其實對住這班朋友真是可以完全唔使用假面貌 因為想笑就笑 唔使諗太多

有朋友問幾時再攪 又話想去邊到 其實唔知點解我覺得去邊都無所謂 開心就得 hehe  去相啦 

  

復活節

今日難得放假  我留在家休息下 打下blog 搵下資料for 9月個旅行 hehe

今次個easter hoilday 做左好多野 好開心

第一日 同左個同事去行街 共事咁耐都係第一次  又一對情侶敵不過結婚的責任 分開了 其實佢真係好可惜 因為佢地樓都買理 而家仲有金錢的問題 唉 我陪佢買左好多野呀 我自己都無買咩 hehe 晚上出席我家的皇太后　我亞媽的生日飯　哈哈　我地ｂｏｏｋ　房真係無錯　因為幾個小朋友加理破壞力十分驚人哈哈　

個蛋糕係家姐個朋友整　　簡直係心機之選　就連船入面不是空心　係有蛋糕的　真係好靚　大家可以係facebook search " sweet garden "

第二日 就同左幾個同學去左蒲台島行山 我地一心諗住去離島唔會見到強國人 但原來唔係 唉 佢地真係好黑人憎 講野又大聲 我地坐船時 明明個個位係俾4個人坐 咁我地4個女仔一齊坐 咁仲有小小空位 佢地都要迫理黎 我朋友話 喂 這是4人坐位呀 你睇下啦 . 唉 之後去洗手間 人人都好自律咁用完洗手間出去拎水沖廁 佢地又係唔會ka 唉 簡直有佢地 破壞哂離島的氣分 唉 .

我地行左好耐 個日好好太陽 不過又唔太熱 行下山 之後搵地方野餐 我因為今次野餐 買左個好靚的食物盒 哈哈 我地一人預備一d食物 我地坐得好近海邊 所以好涼 好舒服  

第三日與朋友去左南Y島  我地去左食個all day breaskfast 先 之後就行下山 我地去左風力發電站 熱就熱左d 但都好舒服 

第4日 有親戚係外國番黎 去左珍寶飲茶 其實我唔明點解咁鍾意去珍寶 又唔係好食 又貴 最重要係我唔覺得services好　叫佢俾多張椅　叫左幾次都無　之後有個部長叫我自己拎　雖則我知道係多人　但我有俾加一　水又係我自己加　咁我俾加一你的服務　是什麼？？

　

這個假期過得十分盡慶　

ｐ．ｓ出ｂｌｏｇ　之日　有好多人都批評一單新聞　係講警察是否應該開三槍之多　令到有人身亡　其實我覺得　我們沒有人在現場　有誰知道危險性？　如果假設個個男人有進一步到出事時　好多人都批評警察唔做野？　其實我只是覺得警察唔易做　開槍的警察都唔想有人出事　他們現今都要受不少批評　壓力　點解唔可以停一停　？　現今香港實在太多批評，　投訴　希望大家少一點批評　多一點關心

家庭樂 三門仔

嘩  原來好耐無打blog 了 因為最近公司真係好好好多野做呀

不過今次,一家要記低 話時新年時候 我們一家人去同叔公拜年 老豆同叔公講起想去三門仔玩一日 因為叔婆以前係三門仔大

所以我地就一家人一個月前約好左 8/3/2014 book 車去玩一日

我地一行十幾個人係香港仔出發 去左黃大仙接叔去 就浩浩浩蕩蕩出發了 其實老豆以前係跟叔公搵食 所以我們個個都好尊重叔公 同理叔公自從大病一場後  真係老左好多

我地去左三門仔行下 佢地幾個老人家 見到d水上野 同相 就無停過口 好開心 我見到都覺得好開心 真係好開心 老人家又有得講 我地同行有6個小朋友 破壞程度有十分 好恐怖 但真係好開心

其實只係去左三門仔行左一轉 睇下博物館 走時 買左雞屎滕食其實都係第一次食 但原來好好食 亞媽話係真野 因為而家好多地方係用芝麻做

之後就坐車去飲茶 幸好有房 咁大人同細路都舒服 d

今日全日花費唔多 但就好開心 其實愛是需要行動 大家有多d時間就要家庭樂下 陪下屋企人 hehe

我地約好左下次去布袋澳 諗起就興奮 哈哈

三門仔

這個就係雞屎滕

墾丁之旅 2013

係呀 我又去墾丁 原因好簡單 因為我們玩開4個小學同學 失戀 所以我們黎個散心之旅 其實是藉口 不過真係好好好開心

其實天氣不是太好 我們4個女仔仲有唔同野發生 超好笑 話說我們準備出發時 朋友a 話個喼 好似lock 唔實  想買條繩整住 但去到見到成百幾蚊條 唔想買 所以就唔理 點知我們去到台灣拎行季時 見到佢個個開左  笑死我地 仲要佢自己第一個笑因為以為人地咁樣衰 哈哈

我們去左東港食海鮮  好好食 之後就出發去墾丁  第一天好大雨呀 但我們好正 照去游水 游左一陣 又真係停左 之後就上房訓一陣先 就出發去出火可以煙花ma hehe ( 酒店有團可安排)之後我們玩完就去左墾丁大街食野 仲去左報local tour 玩水上活動 超抵呀 我們報4樣野 都係500幾蚊台幣 不過要自己坐車去lor

天氣超好 可惜好大浪  所以我們都唔敢玩咁出 最爆係玩完水上活動 我同我個朋友放係沙灘椅上的眼鏡唔見左 但又無唔見其他野 笑死我地  最爆我們哂傷左都好正常 但我們傷地方好正 我係耳仔  有朋友係腳趾  最正常係膊頭 

點知夜晚就真係好大下雨了 我們仲買左雨”嬲” 笑死我呀 不過著雨嬲就係行街方便了

夜晚我們4個仲去左酒吧飲野 又買左宵夜 好開心一晚

行山開心記

又係時候打下blog 了 唔知大家放到年初幾先番工呢? 我就踏正14/2/2013開工 想請假ka 但第一日就是豆利是好時機 哈哈

係某一個星期日 我同一班中學同學去左行山 好開心呀 個日天氣唔太凍 唔太熱 我們今次地點由東涌行去大澳 我想講好易行因為係落鈄多 哈哈

我們坐360去到大澳  係cable car 真係好開心 又話如果趺下落去仲有無機會生存? 有個朋友仲好笑 希望趺都趺係個山到啦 起碼易搵番我條屍ma 真係好好笑唔知個日我們係早去定點呢 ? 無咩大陸人 GOOD

排隊時影的 

之後就慢慢行去大澳啦 期間真係好惡佈 因為多落鈄 我們執左D大樹枝FOR 行路用啦 點知行行下 俾狗追呀 笑死 之後撞到個尼姑 佢幫我們趕隻狗走 仲叫我們唔好要D 樹枝 唔係隻狗又出黎過 之後行行下 又唔識路 最慘是GPS 都無呀 之後又撞番之前個尼姑 佢帶我們行 勁恐怖呀 哈哈

我同朋友行到中途影的 好抏笑 好似好凍咁 

之後到左大澳 我們好開心呀 之後去左食豆腐花 其實好MA MA 只係想搵個地方坐低 之後又去左食豬肉餅 LEE 個就真係好好好好好食 可惜無影相 最後我們去左食沙”容” LEE 到D真係係出面食唔到 唔知點解? 真係好正 勁正 我朋友食左3個 男朋友唔食LEE D 都食左一個 哈哈

就是這間了 

之後我們去左長沙灣一個熟食市場晚飯 朋友介紹 我好耐無去過LEE D 地方了 我記得我細個住個到都有一個咁樣地方 D野食又係又抵又好食 但而家真係好少地方了

我們一行8個人 叫左好多野食呀 但無全部影哂相 我們叫左個雞煲 $98 仲有菜俾我們 之後我們叫左聖矛啦 蝦啦 魚啦 仲有另外幾樣野 但唔記得左  最後理單唔使一百蚊一個人  真係抵到無朋友 仲要食完我番到家都唔唔飲水 証明無咩味精 正

好耐無同到中學同學出去了 轉眼中畢業十年了 感情仍然有可能唔係成日見 但一見就好開心 好好笑 始終讀書朋友真係最真 出黎做左野幾年 見過好多唔同面口的人 慶幸自己工作上的人 沒有太多基心 有時覺得做人簡簡單單好D 點解要計黎計去?