Happy Saturday

最近男友工作好多野做呀  恐怖到係 有一個星期日 我地相約班朋友行山 我地去到東涌等緊班朋友 佢接到佢上司電話 叩佢立即番去  唉 其實我都好唔開心 因為難得約到一班朋友  佢又叫我陪佢番去 唉  我個日係間café 坐左4個鍾 飲左兩杯野 佢先走得 唉

係某一個星期5 佢話頂唔順 今日一定要早放工 其實佢個個星期 已經日日0630-2130 或者更夜

佢帶左我去食一間其竹坑食 好好味  特別係魚  好味道 哈哈 食完野仲有禮物 其實人大左 禮物已經唔重要 其實我都開心 因為佢咁多野做 都用一個鍾食飯時間去買禮物俾我慶祝一百日 反而我咩都無準備 哈哈 點都好啦  多謝男友 哈哈

情人節

其實有無拍拖都好 情人節對於我黎講 都係唔重要 因為要同人迫 又要使錢 但可能今年係我同男朋友第一舍情人節 佢已經安排好哂所有節目 哈哈 

我地第一站去左銅鑼灣食晏 間野叫 < las vegas＞　間野好靚下　食物都好味　最鍾意佢地係無情人節餐　哈哈　

之後我地去左睇　＜　叮噹＞　好好睇呀　睇到我喊　男友話我仲喊得勁過前後左人小朋友　哈哈　

睇完戲　我地就去左ｓｏｇｏ　買今晚部份材料　就番男朋友屋企　佢負責做今晚大廚　其實佢煮野係有一手　加上我都同佢講左唔想出街食　我地係ｓｏｇｏ　買左兩塊靚牛　ｈｅｈｅ

好開心呀　今年係我地第一年情人節　不過我係買禮物　男朋友好行咁買左花　不過我叫左佢唔好再買　因為好浪費　不過點都好　好多謝佢做的所有．　有朋友話我地相識十幾年　再係朋友聚會上見番　係見好有”原”的事．　我會好好珍惜而家的事　

開心星期日

最近發生了好多事

工作上有點臨危受命感覺 好多人都叫我放鬆d 但我lee 兩日發夢都夢見做野的事 希望我真係可以做得好啦 加油 仲有一件工作上趣事想打 就係最近公司都開始請d 畢業生打工 有一天 有個HR 同事就打俾其中一個大學畢業生 話比OFFER 佢  想約佢簽約 點知個大學生話唔識 叫佢亞媽傾  點知佢亞媽仲爆  話怕自己俾人呃  話想一齊去公司簽約 想睇下間公司  個hr 以為佢講下 仲話好 點知個亞媽真係上 聽完 我們 O哂咀 講真 你個仔畢業得黎無22都18 難道你覺得佢小小分別錯與對的能力都無咩 ?  好攪笑  男友話 這就是怪獸家長 

好 講番某一個星期日 同男朋友睇戲 好睇呀 之後睇完戲 就陪佢睇男人的浪漫 高達 可能開始有小小雨 竟然無咩人睇同影相 超開心

睇完就去左灣仔搵食 今次我們食潮燒  今次我們第2次食了覺得真係幾好 有生同熟 仲有DESSERT  D 野都幾新鮮HEHE 

購物治療

最近的工作好多呀 回到家好累呀 最慘係我同事請左病假 陰功 不過可能最近個人好大壓力 所以就多左做運動 

幅相就係某一晚跑完步後 係海傍影的 其實我一向都覺得放下腳步 香港都可以好靚 hehe

另一方面 因為個人大壓力 所以買多左野

包括某一晚 我俾個客激  真係好嬲呀 完全唔講道理 有錢大哂?  之後經過uniquo 見到佢d tee 特價  好抵呀 所以買左 芷不多全屋人包括工人姐姐都有 

我自己買左件 micky mouse $ 59 之後買左件俾亞爸同亞媽不過係男裝 都抵 $79蚊 又買左件俾工人姐姐 都係男裝又係$79蚊 哈哈 我買時 我朋友話我對工人好 (其實好細個婆婆都教我 你想人地對你好 就先要對人 就算人地對你唔好 你都要對人好 其實自問 我沒有婆婆咁大量 佢就算知道個d人對佢唔好 佢都好關心佢 我自問做唔到 自問婆婆一世人都為我們付出 點解有d人要咁對佢 好) 我又買左件俾男朋友 但好爆 我明明係男士個到拎d tee 但我男友話好貼  笑死我了 之後又買左3件 小童 俾我家的小朋友 好抵呀 $39蚊 哈哈

有一晚 同朋友聽完做laser 講座  我又諗起 我有d sogo coupon 就到期 要拿拿用左佢 所以就買左shu umera 的遮膏 其實我同開covermark  但sogo 竟然無 不過兩者相比   個人認為shu umera 好用d 不過就貴d 又買左mac 眼線膏  hehe 同一日 朋友帶左我去銅鑼灣一間小商店呀 估唔到係香港銅鑼灣的地方 仲有lee d 小商店 間野真係合哂我心水呀 好多波點我忍唔住買左 2個波點袋 $38 per one  其實唔貴 但我真係好想幫下lee d 小商店 我唔想我下一代 認識的 就只係金鋪 名店唔知咩 便利店 其實我怕有一日真係咁 有一次 我同一位係外國番黎的朋友 佢話想飲7-11 的思樂冰 我們係MK  行左勁耐先搵到7-11 但搵緊7-11 有數之不盡的金鋪呀  所以可以的話大家都去行下小商店呀 我有朋友的爸爸 係銅鑼灣有兩間SHOP 之後都有人想買佢地間SHOP 但佢爸爸都SAY NO 原因係 唔想銅鑼灣無豆腐花食 仲要好多年無加佢租 覺得佢老豆好型 哈哈

仲有 就係裝上購物了  今次買左一間新野 幾好的 會講到明 幾時到香港 點點點 之前幫過一間又係入左錢先幫我買 無所謂 但佢足足DELAY 左一個月 我唔問 佢唔講 所以我一定BLACKLIST 個間野 哼 SO FAR 都幾滿意今次 會再考慮 哈哈

最後 就係係台灣買左LEE SET 野 應該係SOFINA 水資 超抵呀 又KEEP 得耐 個妝  所以去開台灣的朋友可以試下 哈哈

 買野真係好開心 我最鍾意買野 

中學聚會

好耐無打blog了　因為電腦壞壞地　想換左去　成５年了　都係時候　哈哈

係上星期６　我們一班中學同學去左同學的新居　　第一次去豪宅　　真係好豪　成千幾呎　仲有兩個工人　勁呀.今次我們個個都有準備不同食物

有我由墾丁帶回來的酒　有朋友訂的生蠔　　我們訂左好多打　都食得哂　勁呀　雖然要自己開　但價錢便宜又好食　有朋友一早“葉”定的醉鴨舌　仲有朋友說自下廚的龍躉　超好食　仲有蟹　真係好好食　最後就有朋友由挪威帶回來的芝士　又係好食　之後我們仲叫左ｐｉｚｚａ　ｈｕｔ　因為好多男仔　仲有係東海堂買左個新出蛋糕　係士多啤梨　真係幾好食　但好貴　成９８蚊咁細個　

不經不覺　我們都畢業左１１年了　但好感恩　我們定時有活動　大家都會支持　始終讀書識的朋友係最真　最純　過多開心的一晚

泰國之夜

唉 最近又病左  但都有番工 因為都係咳  

男友最近好多野做 多野做手數手指 我們都有兩星期沒有見面  算啦 大家都懶

係某一個星期6 相約好友去 9龍城食泰國野 這間小店好好食 佢d 串燒好正 

其實今日打blog  係因為有感而發 係網上睇到這文章 有好多朋友成日都話無錢  但就有錢一年去幾次旅行 但沒有錢儲 早前政府有唔使補地價可抽居屋  我有去抽  我d朋友話 下 你唔係諗住居屋嗎 ? 又或者 早前有居屋單位再推出 我又走去抽 我朋友話 下 你唔係諗住住天水x 嗎 ?  又有問題嗎 ? 我沒有講咩 我只係笑一笑 因為住邊 大家有唔同選擇 但供樓唔係一件易事 我唔想一開波就要供成4百幾樓 當然 我都供唔起 哈哈 有朋友話佢第日一定唔會住居屋 但我就諗住實用only 哈哈都有人同我講  

又有朋友問我 點解可以儲到錢?  我反問番佢 點解你儲唔到大家人工差不多?  我lunch 會帶飯  你會嗎?  答案是: 下  而家成日係office 食晏都要留係到  好悶 嗡食完先出去行都得  我晚飯同男友好少用幾百蚊一個人  百幾蚊兩個人就有  何況好少出街食

其實好多野睇你想唔想做?  想做就會有動力做 ? 我亞頭而家好多人都覺得佢好叻 但佢開頭想買樓時 一個人做兩份工 有無人知? 所以路係自己選擇  唔好去理人條路  更唔使唔抵得別人條路好過你 你應該要問自己平時的理財習慣

SOGO 感謝週

都幾日無打blog  太累了  男友今日開始去瑞士出trip 又咁岩撞到sogo 感謝週 連個天都要我破財  哈哈男朋友話感謝週個名無錯ka  因為感謝我們ma 哈哈

星期5 假期 同家姐行左一轉 但因為我們太夜 所以無咩人 主要係家姐想買床肉  但太多人了 又要張張訓黎試  所以無買但好抵呀

第2日 係星期6 男朋友好早機呀 同佢食個早餐啦 再話佢唔係個一個星期 我一定好悶啦 所以佢俾左 一千蚊我 買野 唔好以為我好衰  其實個一千蚊 大部份買左佢d 

相約我d好姊妹食個all day breakfast 原本想排咖啡弄 但等的位置又熱又焗  之後所以轉左去brunch ckub 食

都幾好食 同理真係幾好坐 

第一個target 朋友去左shu umera 好似加左價  原本我懋買bare minerals 試下 但佢個set 野 平時都有promotion 所以唔買住 之後入左去collect point 買 “3” 個時發生左件好爆的事咁個到好多人 有個女人買野要簽card 咁個場咁多人 d sales一定大叫card 主是誰啦 有個sales 就叫左其中一個女人 係簽AE 黑CARD 人地都係叫貴性 就俾個CARD 主小左兩個字真陰功  我係COLLECT POINT 買左3件 “3” 好靚的

之後我們又去左買男裝 我係唔知咩咩BROTHER 買左恤 “3”俾男友 聽表姐講這個品牌 D 恤 “3” 幾好 買件試下 好著就再買

之後我們又去左睇日用品  我想買 刀 但睇唔岩 但我買左SET毛巾俾男友 我都有 哈哈 之後佢地陪我睇旅行咾 因為男友個個好殘了 佢叫我有便宜就買 所以買左個24咐 7百幾蚊  `之前都要好似成千幾蚊 哈哈

買完就財散人安樂

多謝支持 哈哈

慶祝母親節

我家好早就慶祝左母親節  原本約左11號 但亞媽已經同亞姨自己搵定節目慶祝 哈哈 就係去大陸玩2日

今日我們慶祝左母親節 仲有大姨一家人 好熱鬧呀 係幾年前我地已經無出去食了 原本今年想出去食 表姐仲打去book 11號 要加價 又或者可能本身係lee 個價  覺得太貴 又唔係食得多  同理我地多小朋友 所以最後係屋企食就算了

我地叫左pizza hut 買左壽司 仲有 整左意粉 羅米飯  訂左zoe cake  可惜訂唔到tiramisu  嗚嗚

開開心心一晚 雖然好嘈 但一家人一齊就一定嘈嘈嘈 嘈住講野ma 哈哈 母親節係紀念母親偉大 雖然我大部份回憶都係同婆婆過 但都係個句 無佢供書教學 都無而家的我 哈哈

出blog 之日 想講小小工人問題

尋晚因為OT 遲左回家 留起D飯送我自己食 食食下我亞媽俾左張百佳RECEIPT 同我講 亞爸俾左錢工人買野 但工人無找番錢俾佢 叫我同佢講 因為工人中文MA MA

我: 姐姐 公公( 我老爸) 今早係唔係俾左錢你買野呀

工人: 係

我: 咦 公公 俾左$40你買野 無錢找咩?

工人: 無呀

我: 但係公公俾$40你 但你買左廿幾蚊野咁多個十幾蚊呢

工人: 無呀

我: 點會無 你自己睇下張RECEIPT 我唔知點解你話無 但你應該要有錢找番俾公公 你立即找番錢俾佢

工人: 知道

之後我係亞爸面前話多佢一次 話唔可以再有下次 其實LEE個工人黎左7個月到 岩岩找哂AGENT D錢 就咁 係唔係好有問題 我家姐話: 可能佢慣左 因為平時我亞爸對人係好豪爽 對工人都係 因為佢覺得人地要放棄頭家黎打工 要對人好D 我覺得好過頭 平時我知道我亞爸耐不時就俾廿蚊佢 叫佢去D印尼店買野食 去百佳又叫佢選擇佢鍾意食D野 又成日一齊食TEA仲有 有時叫姐姐拎D報紙賣完後 個D錢俾佢 所以就形成姐姐咁  其實我老豆係好心軟個D人 對咩人都係 唉 所以好想知道係工人姐姐問題定點

拍拖日

嘩  原來好耐都無同男朋友的拍拖blog hehe  因為大家都好busy我覺得自己好似拍緊異地戀 因為佢最近超多野做 我公司都係佢最高峄做到夜晚3點幾 我起身番工時 佢仲訓緊覺 佢起身番工時 通常就是我係公司打仗 真係痴左 係某一個星期6 我決定大家要去拍下拖 再唔係去訓下覺就過 

有一個星期6 我們去左mega box 我好鍾意去 因為可以行ikea同係入面食野 哈哈 但今次我們無去食ikea 因為超多人 所以去左一間台灣野 叫 < 墾丁荼館>

我地叫左一個2人餐都有幾多野可以選擇　我叫咩唔知咩咩茄子　簡直乾過我銀包　又唔熱　男朋友個個咩咩豬頸肉得個３定４塊　味道只是可接受　仲有飲品同ｄｅｓｓｅｒｔ　早知去食ｉｋｅａ　算　

 之後我們去左睇＜　笑功震林＞　　其實無咩劇情　但真係幾好笑　當笑下都幾好　ｈｅｈｅ

好耐無同男友拍拖了　借左佢對耳仔聽我講野　哈哈　

好想講一樣野　　以前　朋友ａ係我眼中　佢係一個好好女仔　又純　可惜一年前遇人不熟　俾以前一個男仔玩感情　　之後佢又係我們班朋友之間識到一個男仔　叫亞Ｂ　亞Ｂ　是城中好盤　有車又樓　不過係佢亞爸亞媽　不過佢都係努力男仔　最後佢地起理一齊　但件事就發生左　朋友Ａ　次次同佢男朋友一齊　一定要食貴野　唔貴唔食　買禮物　見我們有“Ｃ”字頭的頸連　佢又要有　　仲有好多　最衰就係話我個男仔朋友配唔起佢　學歷無佢咁高　我聽到　超想小佢　佢只是一個TOP-DEGREE 畢業女仔　而家週街都係大家畢業啦　痴根　仲有　我知我這個男仔朋友係認真　佢地仲一齊買左儲錢保險　佢竟然同我地講　佢對我個朋友　玩玩下　頂佢個肺　我真係超唔想再見到這個人　但男友話　一個願打一個願捱　唔好理人咁多　

澳門之旅

好想打blog 因為我同屋企人一行21人 勁呀 出發澳門 哈哈 好多朋友同事都好surpise 我們點解可以咁齊心 去旅行  其實以前我們咪出身 年年都會包一次團 成個家族去旅行 真係好開心 只係我們出哂身 好難就時間 又要就d 小朋友讀書 時間 唔好睇小個澳門之旅 我們足足約左3個月先齊

我們坐1100船 約好左9:30係香港仔出發 其實我們早到左 我們可以坐1045船 上到船 我們settle 好哂所有野 就傾下計啦我仲見識到 如果同行有2個以上小朋友 破壞力已經好強  我們仲有同行5個小朋友  包括最大 9 ,7,4,2,1 哈哈 勁嘈 哈哈

我們因為有傷殘人士 同老人家 又有小朋友 所收以佢俾我們用特快通道 hehe 出閘後 我亞姨行得好快 有人以為佢係領隊笑死我地 之後我們上左酒店車 我們又係住番威尼斯 因為有折 hehe 其實我唔係咁鍾意住 因為超多大6 人 酒店無房俾我們 所以去左飲茶先  但坐低時 先發現已經130 超din 完全唔知自己做過d咩 哈哈

間茶樓係酒店入面 其實幾好食 又抵 因為又係有折 哈哈 仲有間房俾我們 正呀 食完後 老人家就要午睡 我們年輕的 就去左swimming

大約 1630 我們出發去黑沙環 行下 同食串燒 仲可以俾d小朋友放下d 精力以便家長們晚飯時間得以寧靜 wakaka

之後我們1900回程番酒店 因為表姐個d要攪掂好d 小朋友 e g飲奶 所以約2030 先晚飯 男士們一個不留地去左賭 我無咩興趣 係酒店聽住歌 浸下水 正啦

晚飯時間又係中菜 超開心呀 因為表哥請 hehe

之後我們1900回程番酒店 因為表姐個d要攪掂好d 小朋友 e g飲奶 所以約2030 先晚飯 男士們一個不留地去左賭 我無咩興趣 係酒店聽住歌 浸下水 正啦

晚飯時間又係中菜 超開心呀 因為表哥請 hehe

山度士的午餐

好好食的木康布丁