德國之旅 幕尼黑

上文講到 我地去完天鵝堡之後 我地就坐車出番去番酒店 meet 番 個兩位朋友

佢地帶我地去左食當地餐廳 其實我同番我家姐講 佢話我地好大膽 兩個女仔 同人地 三五識 7 就出左去玩

不過我見我地又係大街大巷食飯 應該都無咩問題,   食完飯 又行下 　去左地標　

瑪利恩廣場　　其實成坐野好大　不過我唔識影　後尾睇番書　原來日頭係會有表演　

不過夜晚都好靚

＜＜＜　　意粉好好呼　我地搵左好耐先刈意粉食　

最近心情好差　　睇完去旅行相　好想再去旅行　離開香港　　香港好嘈　　

Happy Saturday

最近男友工作好多野做呀  恐怖到係 有一個星期日 我地相約班朋友行山 我地去到東涌等緊班朋友 佢接到佢上司電話 叩佢立即番去  唉 其實我都好唔開心 因為難得約到一班朋友  佢又叫我陪佢番去 唉  我個日係間café 坐左4個鍾 飲左兩杯野 佢先走得 唉

係某一個星期5 佢話頂唔順 今日一定要早放工 其實佢個個星期 已經日日0630-2130 或者更夜

佢帶左我去食一間其竹坑食 好好味  特別係魚  好味道 哈哈 食完野仲有禮物 其實人大左 禮物已經唔重要 其實我都開心 因為佢咁多野做 都用一個鍾食飯時間去買禮物俾我慶祝一百日 反而我咩都無準備 哈哈 點都好啦  多謝男友 哈哈

情人節

其實有無拍拖都好 情人節對於我黎講 都係唔重要 因為要同人迫 又要使錢 但可能今年係我同男朋友第一舍情人節 佢已經安排好哂所有節目 哈哈 

我地第一站去左銅鑼灣食晏 間野叫 < las vegas＞　間野好靚下　食物都好味　最鍾意佢地係無情人節餐　哈哈　

之後我地去左睇　＜　叮噹＞　好好睇呀　睇到我喊　男友話我仲喊得勁過前後左人小朋友　哈哈　

睇完戲　我地就去左ｓｏｇｏ　買今晚部份材料　就番男朋友屋企　佢負責做今晚大廚　其實佢煮野係有一手　加上我都同佢講左唔想出街食　我地係ｓｏｇｏ　買左兩塊靚牛　ｈｅｈｅ

好開心呀　今年係我地第一年情人節　不過我係買禮物　男朋友好行咁買左花　不過我叫左佢唔好再買　因為好浪費　不過點都好　好多謝佢做的所有．　有朋友話我地相識十幾年　再係朋友聚會上見番　係見好有”原”的事．　我會好好珍惜而家的事　

歡樂聯盟之**橫琴長隆海洋王國

12/7/2014 我同一班中學同學上左大陸的新開的長隆公園玩 我地兩個月前已經約好左 hehe

其實真係好難得 因為我地有12個人去 不過就難為d 團友 因為我地實在太嘈啦 我地都有d 唔好意思

其實個團真係好抵好抵 雖然 d 團餐好ma ma 但都可以接受 哈哈 仲有 我地個團都係$659 已經包左入場 我地玩到夜晚呀 抵 仲有個水族館都好值得去  

第二日去左國父孫中山 紀念館 我地仲影左好多相  超開心的兩日 我朋友話我地整班同學好難得 咁多年仲keep 到聯絡 朋友話我地d 對話好好笑 其實對住這班朋友真是可以完全唔使用假面貌 因為想笑就笑 唔使諗太多

有朋友問幾時再攪 又話想去邊到 其實唔知點解我覺得去邊都無所謂 開心就得 hehe  去相啦 

  

李大仁

很久沒有打日記了 最近發生了很多事 有同學因為情緒病過身 其實我諗係香港這個地方真是好大壓力 唉 最近我有一位好耐無見的朋友找我 原因是知道我朋友係一間名校教書 希望我可以找一點面試資料 好恐怖

最近有朋友失戀 回想起 我失戀的時候她都在我身邊 如今到她 可以做的 就只是陪她多一點

最近有有朋友向我說 她身邊有一位李大仁  大家知道李大仁是什麼嗎 ? 哈哈

她與李大仁相識數年了 一直對他只是好好好朋友 更沒有想過自己會喜歡他 自她失戀了 李大仁陪他 過馬路時 李大仁捉住他的手行 她哭時 李大仁陪她渡過 漸漸她對李大仁有好感 很想與他發展成為情侶  以前總是李大仁找她 現在反轉了 是她找李大仁, 有一次妹很生氣 因為知道李大仁有上線 但沒有回她的信息 但她忘記了與李大仁只是好朋友的關係. 李大仁經過吵架後, 李大仁回信息的時間快了一短 如有重要事他會說一聲. 漸漸朋友認定李大仁對她都是有意思.

在餘下的日子 朋友一星期總會相約李大仁見面,. 但漸漸發現李大仁總是要發出數個信息才回覆的朋友, 當她心在意冷的時候 李大仁就好像感覺到一點 就找她多一點, 有事時找朋友幫忙時就回覆信息多一點 朋友開始因分不清她們的關係減少與他聯絡 但李大仁好像不在乎.

朋友問我 是否應該在李大仁的世界消失 我不懂答 或者我份人做事太過黑白分明 對朋友都是 我認定是朋友就是朋友. 有BLOG 友可以講下嗎 ?

R& F

今日好想推介一間小店 @銅鑼灣

叫做 R & F 係銅鑼灣


其實間鋪頭細細地 但格局好舒服 好舒服 好耐無去這小店  銅鑼灣實在太多連鎖店 食的, 買的 都是一式一樣  希望這小店可以堅持下去

這小店令我推介的地方就係 有 3眼仔的飲品 好開心呀 仲有3D 的 公仔

食物都好食 但就比較細份 男士可能唔夠 因為身邊的就說不夠了

 食完我地就去左南華會玩 好開心

P.S  由友人口中得知以前男朋友的近況   說實在 我沒有"很" 他 但我身邊好多的朋友都"登"我唔抵 有些朋友好討厭他 說實在 我不希望朋友去討厭他  是真的 其實他都有努力過 只是最後結果是這樣 我們都沒有辦法

中學團拜@8/2/2014

打下blog了　其實件事發生左好耐了　不過係好值得紀念　所以都要打　

８／２／２０１４　係我同ｄ　中學同學團拜　我地年年都會攪團拜　其實我地成班都咪有人成家立室　係懿在見面食個晚飯　見下ｄ老師　

今年選址在多彩酒家　我地擺左兩“偉”　食物都好食　不過無影　因為我負責做ＭＣ　其實都係玩下ＧＡＭＥ　笑下　

同理今年加左個慶祝環節　個生日蛋糕係我準備的　好靚　回想我地畢業都十多年了　有好多人都話知心的朋友一定係讀書識　我都覺得係　雖然大學同出黎做野都會識到知心友　但感覺同中學同學認識的　都仲相差Ｄ　Ｄ　

生日蛋糕 好靚

 大合照 次次影相都好好笑 好似番番讀書時咁好笑 有時回想番  < 友共情> 隻歌真係無錯 

時光可變　世界可變
　人情亦許多都變遷
　友共情不變　那種真找不到缺點

過左好開心的一日 多謝大家 

家庭樂 三門仔

嘩  原來好耐無打blog 了 因為最近公司真係好好好多野做呀

不過今次,一家要記低 話時新年時候 我們一家人去同叔公拜年 老豆同叔公講起想去三門仔玩一日 因為叔婆以前係三門仔大

所以我地就一家人一個月前約好左 8/3/2014 book 車去玩一日

我地一行十幾個人係香港仔出發 去左黃大仙接叔去 就浩浩浩蕩蕩出發了 其實老豆以前係跟叔公搵食 所以我們個個都好尊重叔公 同理叔公自從大病一場後  真係老左好多

我地去左三門仔行下 佢地幾個老人家 見到d水上野 同相 就無停過口 好開心 我見到都覺得好開心 真係好開心 老人家又有得講 我地同行有6個小朋友 破壞程度有十分 好恐怖 但真係好開心

其實只係去左三門仔行左一轉 睇下博物館 走時 買左雞屎滕食其實都係第一次食 但原來好好食 亞媽話係真野 因為而家好多地方係用芝麻做

之後就坐車去飲茶 幸好有房 咁大人同細路都舒服 d

今日全日花費唔多 但就好開心 其實愛是需要行動 大家有多d時間就要家庭樂下 陪下屋企人 hehe

我地約好左下次去布袋澳 諗起就興奮 哈哈

三門仔

這個就係雞屎滕

新屋派對

又係時候打下blog 了

係某一個星期六  去左一位朋友新居玩 地點係<譽港灣 > 超爆 因為我表哥都係住LEE 到 我耐不時都上下去 去到登記位 我UP左我表哥地址　但個保安話　根據記錄　這個單位暫時唔係香港　問我　係唔係記錯　哈哈　勁樣衰　我開始明白點解表哥話佢地Ｄ管理費咁貴了　哈哈　

其實我同這班朋友識左唔係好耐　但真係玩得超開心　我地買左ＣＵＰ　ＣＡＫＥ　因為有朋友仔生日　又買左壽司　我地係商場買一田個Ｄ　又抵又好食　又買左ＰＩＺＺＡ　ＢＯＸ　ＰＩＺＺＡ　買一送一　抵到笑　哈哈　

 

玩到１１點幾　有位朋友俾佢老公吹佢番屋企　咁我朋友黎接我　我就叫佢一齊走啦　之後我話車佢去ＭＫ　佢轉車　因為佢住天水偉　我以為ＭＫ　係中間位　佢有車坐回家　點知佢老公叫我車佢去紅磡住西鐵　

咁我同我朋友就去左飲野　１２點幾　我仲ＷＨＡＴＡＰＰＳ　我朋友　佢話已經回到天水偉　咁我無理啦　點知１點幾　佢老公打黎問我佢老婆係邊　我話　下　佢１２點幾話我知已經到天水偉　我勁擔心啦　因為始終咪番到去　再隔左一陣　佢老公打黎勁嘈　話我地成日都玩到咁夜　無１２點都唔散　攪到佢老婆咁夜番　佢地的婚姻可以點維繫　

我話：　下　你地婚姻點維繫唔係你地之間有共識ＫＡ　？　總之好煩啦　這件事仲要俾我之前個男朋友知道　佢同佢嘈交　我以前男友叫佢搵野ＬＯＣＫ　住屋企度門　唔好俾佢老婆出街　唔好個老婆遲回家　就打俾人嘈嘈閉　

第２日　我朋友知道佢老公唔岩　打俾我講對唔住　我同佢講　不如你開心見成同你老公講想玩耐Ｄ　佢竟然話唔敢　

唉　我咪結婚　我唔知道結婚後的生活是否都係咁　如果係　真係好恐怖

屋主間屋超多公仔 包括80後的人都識美少金戰士 哈哈 

大合照 

住家菜

好耐都無食過銅鑼灣間住家菜了 記得係我讀書個時 祚日食 因為個老闆好靚仔 哈哈 同理真係幾好食

其實檀個8同9月我都好唔開心 因為男友好好好多野做  我們芋整個8月去到9月中先見面  我send msg to him 佢又唔覆 我成日覺得自己同空氣講野咁 個時我成日發脾氣 但佢又無反應 一味就只識話busy busy 同busy 個時我覺得好累 唔想再落去  但有朋友話 :  你做佢女友都希望佢事業有成啦 唔通希望佢日日陪你咩 但我自己都係解唔開個心結  到佢9月完左個大project 10月就好d  點知一到10月尾又係咁 唉 原本我屋企人 想12月中去澳門 佢都話咪必得 我問佢 你12月中都唔得 咁你busy 到幾時 佢又唔應 其實我可以點做  ? 我有諗過放手   算 數 但有時諗一層 幾年感情就因為lee d 野分開 值咩 ? 自從佢轉左工後 我們成日都嘈  我真係好唔鍾意佢番高這份工   要ot 係無所謂 但有咩可能星期一至日都要做刑夜晚１１點呀　痴　根　

講番餐飯　

去左住家菜　我同男友人戰鬥力好強勁　　叫左一個湯　３個送　　清哂　男友人仲話我勁　因為個時我濕疹番發　但都敢食蝦　ｈｅｈｅ　

食完行左一陣　我地去左食糖水　點知中招　難食到爆　

龍鼓灘

係某一個8月的星期6  我同左成班朋友去左bbq  地點係 : 無雷公的龍鼓灘  hehe

其實食物好ma ma  勝在影相好靚  我地睇日落時 真係無諗過咁靚 我地又買左風犁放 但太多人都放唔到 唯有拎下黎影相啦 哈哈

  這張相係我用手提影only 無加任何野  堅靚 哈哈 

因為食物好普通 所以無影食物相 哈哈 

放極都放唔到的

最後有元朗的朋友帶我地食一個用盆栽放的提拉米蘇   佢又係主打分子料理 其實味道好ma ma 不過好特別  哈哈 

就是這個 

Le Grand Pokka Cafe

好耐都無打新blog了　最近發生左好多野　要慢慢ｌｏａｄ　番ｄ　記憶　哈哈　

係某一日　約左ｄ中學同學出黎　全女班　因為其中一個女仔結婚　約我們拎貼　

我們選擇左百德新街的Le Grand Pokka Café 　唔知道是否新裝修　好靚　不過ｄ服務不是太好

走個時影的 幾靚 

　

其實都叫左幾多野食　不過唔係所有野影哂　因為講野多ｄ　哈哈　但ｄ侍應都幾有問題　我們經常申手都扮唔到　可能我們太嘈了　哈哈　

不過都食得好開心　我地叫左以下這食物　其實仲有其他　不過無影　

朋友有折　一人都係＄１４０到　抵到笑　

其實d野食幾好 但就服務不是太好 

ｐ．ｓ　拍左１０年拖　見到佢地開心結果　真係“登”佢地開心

新屋企

上網睇到yahoo blog 要執了 嗚嗚 其實煮blog 日子唔係長 不過就睇左好耐blog 但有好多bloger 都唔寫了

而家話要執 唔知仲有幾多人會keep 留煮呢 希特勒自己都有心機keep 住寫下啦 hehe

而家就慢慢copy and paster 番黎lee 到

IN SIDE OUT

又好多日無打日記 事關又出trip 幾日 好累 最慘係我出完trip到我男友出trip 佢上星期4 去到9月2先番 唉 差不多成個月後先見 唉 

係某一個星期6 出左去同班朋友晚飯 去左銅鑼灣的in side out因為佢9月就搬了 我由讀書時已經開始去 估唔到都搬 銅鑼灣真係無咩地方好坐 又可以飲好耐野 最鍾意佢個style 好正 唉有時覺得地產霸權下 香港少左好多特色野 spgo 後面 藥房仲多過咩 以前就話7-11 總有一間係左近 而家就藥房係你左近唉

講番餐飯 都係食下西式野 最鍾意佢個ribs hehe 幸好我們早去 我們食完 8點幾 好多人排隊呀

之後去左希慎行街 有3d 晝玩 可以影下相 好開心 之後就再去中環join d 朋友飲野 經過H &M 聽講話執 又係因為加租 唉 樣樣都話加 人工就無加 最近我亞爸個AGENT 都問我亞爸層樓好幾年無加租 問佢使唔使加 我亞爸話唔好 我亞爸話: 層樓又供完 無謂加 難得有好租客 我亞爸真係好人 不過個租客都識DO 新年總係俾利是我們 如果佢因為要出TRIP 遲交租又俾多幾百蚊我亞爸 算係咁

題外:  最近與一位早婚朋友晚飯 講起 佢問我幾時結婚 佢都知道我同男友早前出現問題 佢話女人早D 結婚好 點點點 之後佢意思就係話: 如果我男友唔提結婚 就應該諗下是否一齊行落去 其實我唔呀 佢話: 女人去到30 就好多野都要決定 但結婚LEE 樣野 唔係我話 我好多時都覺得要結就自然會去結去PLAN 佢話生小朋友要趁早係好 但自問我暫時無咩耐性 你叫我玩就得 教我真係怕自己唔識教 我又怕自己成日掛住做野無時間教 唉 可能大家諗法唔同啦 何況有時好多野係講”原”份唉 而家有時諗番 我由細到大 我發展咩都係俾人慢 好似講野行路 做野 拍拖 好多野都係俾人慢 但所遇到的 都是比較正面可能我遲好多結婚 但我都可以快樂的

  

完成小小小夢想

你小時候的夢想是什麼呢 ? 我有好多 小時候最想做律師 原因是 爸爸媽媽細個做街市 試過菜檔拉 上左法庭 記得個個法官好嚴肅 我坐係旁邊 婆婆叫我唔可以講野 講野就要出去 記得爸爸同個法官講 對唔住 我無下次了 細個仲以為亞爸俾人蝦  如果我努力讀書 做到法官 亞爸就唔使罰錢 因為我最大 我直接放左佢就得啦 好白痴哈哈  之後小學去睇人個d菜田 我就諗不如做農夫啦 我種完俾爸爸 佢咪唔使俾人呃之後亞媽話 好辛苦 識多d字仲好啦

上到中學  因為知道自己應該唔夠人讀書勁 所以就無再諗律師了 而我個鋼琴老師就話 不如你去教幼稚園啦 你又識彈鋼琴 ( 個時已經考完5級) 又鍾意小朋友 之後到中5 就去左教育學院 其實有offer 但又俾我夠升中六  所以個個人都叫我讀上去,但我份人實在好心散 根本唔夠人勤力  所以考得唔好 但個時又無諗去教書 因為個時成日話殺校  怕讀完無書教 哈哈 誤打誤撞入左做工程

直到有次同同事講開 我想試下做農夫 先知道如果康文暑有田仔出租俾人種野 當然係要抽 咁我同事就叫我一齊抽啦 點知俾我抽中左 我同事就同我一齊種  佢好有經驗

佢仲晝左這張俾我做tips hehe 

地點 

我的小小菜地 

我部份的收成  hehe

仲有其他 不過無影了  今次好開心 就當完成自己小小小夢想 HEHE

  

我沒有次次都影相 其實年頭已開始種  但今次的起心肝影唔試下種都唔知做農夫辛苦 我細細塊田都好辛苦  所以做人真係要珍惜食物 所以我經常同朋友叫野食 寧願分開叫幾次 好過食唔哂