沖繩@ 2011 第3天 ( 24/6/2011-28/6/2011)

今日是行程第3 日了 時間過得很快

今日我地出番去市區 今日都幾多行程

我地第一站去左睇萬像毛( 是戀戰沖繩的拍攝場地 ) 我覺得lee 個地方同墾丁一個地方好似 個個地方又說是< 我在墾丁天氣晴> 的拍攝場地 哈哈 睇完就好大雨 又大風 d 團友個個都話我地聰明 用雨衣 哈哈

睇完lee個景點 就坐車去波罹園 去到個到仲係好大雨 去到lee個景點 我想同個團友開火了如果唔係男朋友stop 我 我一定話佢

其實去lee 個景點都好無聊 但我覺得小朋友應該好鍾意 仲有我家姐講左好多次叫我係到買番部波羅車俾佢個仔 哈哈

睇相都知好大雨

坐完就坐15分鍾車去食lunch 今次係食豆腐set 起初都怕食唔慣 因為我唔鍾意食豆腐 但個豆腐set 仲有其他野食 同理佢s豆腐整得好好食 所以都食左好多 哈哈

食完就行左一陣 就出發去海洋倌  lee 個管都好多野睇 d 魚好特別 但真係好多人呀

睇左個幾鍾 就番上車 點知係lee 個時候 我對鞋就報銷左 其實一空都諗住對拖鞋去完lee 個trip 都唔要 但無諗過咁快lor但幸運地因為今日轉酒店 d 行季仲係車到 所以先可以換過第2 對鞋 我同我表哥去旅行就一定有d 事發生

( 去korea 時 就本passport 過期 跟團番大陸過關時 表哥唔知俾人做過咩手腳 攪到頭暈 幸好跟團jar  最正是佢係澳洲讀書時 我去探佢 佢係咁叫我帶月餅俾佢 點知累到我俾個到d 海關罰錢 唉 仲有好多事發生過 ) 哈哈

沖繩@ 2011 第2天 ( 24/6/2011-28/6/2011)

第2 天是自由活動的日子 今日天氣都ok 所以領隊問我地玩唔玩水上活動 當然玩啦  安排左下午

所以我就同表姐佢地 仲有幾個團友坐的士去美國村 去到就去左食野 食food court 好抵食 仲有日本d玉子真是不得了 正正正

之後我地就分開行街 係個到都買左d野 反而男朋友仲買得多過我 哈哈

行到咁上下就番酒店去潛水 表姐佢無得去呀 佢就去左搵周公我地就去左潛水 正呀 我真係好好好鍾意潛水 因為當你好大壓力時 你去到海底會覺得好relax  但最衰係唔記得左帶防水相機bag 浪費

之後哂下太陽就番酒店休息一陣 就去左食晚飯 但表哥女朋友有d唔舒服 表姐又說累 所以就大家自己食了 我地去左超市攪掂算了

大家約好左9點去放煙花 好抵呀 $100蚊都唔使就買到好多包煙花 記得係澳門放 真係好貴

放完煙花就番酒店玩潛烏龜 好開心 我地細個好鍾意玩 由細到大都好鍾意罰輸左要扮烏龜 但其實我地大家都唔知道烏龜要點扮 哈哈

沖繩@ 2011 第一天 ( 24/6/2011-28/6/2011)

其實一直都無諗過打去沖繩的blog 但最近公司真是無野做到發mo 所以都是打下blog 先 哈哈 可能以我發mo 的程度 可能可以打得哂5 日發生的事 哈哈

其實好耐無跟團去旅行了 今次係大肚表姐係咁叫佢老公(即是我表姐夫)話佢好悶 話好多年無去旅行 其實佢好多年都是兩年  但我亞姨又唔想得佢地兩個去 又唔想佢地自由行 所以我表姐就叫佢老公請理我同男朋友 仲有佢弟弟 我表哥一齊去旅行 仲請理我地去tim  哈哈 諗黎諗去就決定去沖繩 因為佢係日本咁多個地方 係得lee 個地方我地大家都無去過 哈哈 同理無咁緊迫 而家去日本真係好抵呀

基於表姐夫工作同身份關係 所以佢唔會出鏡了 大部份都係得我同男朋友的恩愛合照 哈哈 

我地今次坐1210機但都要9 點幾去到機場 因為快運得一條line 所以要早d去check in

攪掂後就聽下領隊講野 之後就去食早餐 我想講就是今次係機場第2 座上機 所以唔使入閘都已經好多野食

食完就慢慢行去坐無人車去上機了

必影下香港的天空 其實出發前知道有個風會有機會打去沖繩或台灣 兩個地方我都唔想 因為我家姐佢地一家人就身在墾丁哈哈

去到沖繩就集合d團友 等緊人期間買左支水成$10 貴貴貴

夜晚係酒店解決 雖然是自助餐 但都好好食 最欣賞是個牛柳即叫即整 所以好好食 仲有佢個豚魚刺身又係好好食 食完就行下

夜晚約左幾個團友去左resort 附近的居酒屋飲野 我都覺得自己好勁 咁又識到人 哈哈

之後就帶d醉意番酒店

開心的一天

婆婆

婆婆的身後事已經完結了 

發覺婆婆在教會很受尊重 見到好多牧師同同工的幫手都很感恩 當送婆婆上山時 雖然有好強烈的太陽 但都有風 有感謝神 

回想起 婆婆由細到大點湊我地 無論是表姐同表哥他們 我們幾姊妹都有喊 婆婆好勁 一個人湊大我們咁多個 年年擺生日晚飯 我們俾錢婆婆 佢都唔要  仲俾番利是我地 仲有 我地攪去旅行 佢唔會去 同佢講有老人優惠佢就去  真係好攪笑  

好細個 婆婆因為慳錢 一早就去魚市場同人買魚 再去亞姨家接表姐佢地黎我屋企 幫我地煮lunch 仲有攪掂好哂d校服 唔使我地煩 食完晏就送我地番學 
之後放學就接我地再番屋企食tea 婆婆會預備唔同食物俾我地 之後亞姨放工就接走表哥佢地 到咁上下 婆婆就會走 我日日都唔俾婆婆走 有時我仲會去婆婆屋企訓 

婆婆沒有太多物質俾我地 但我地都好開心 因為婆婆成日都唔怕辛苦帶我地去公園 帶我地食晏 帶我地去m 記  有時仲叫我地唔好年年換書包 因為爸爸媽媽搵錢辛苦 

婆婆 我真係好掛住你 

約定你 天家再見 到時再同你飲茶 

'

1/7

原來已經成個月沒有打日記了 因為最近發生了很多事

婆婆過身 聽到這個消息我唔知俾咩反應 因為我自己身在沖繩 媽媽說不用趕回來 我諗一生人最後悔的事是沒有送婆婆最後一程 最初幾日我都成日問神點解唔俾我送婆婆最後一程但lee 兩日突然好像想通了 可能神就是知道我一定會哭到唔似人型 所以唔俾我見佢最後一程 同理我向自己說我們只是暫時分開 因為我們一定在天家再次見番 婆婆  iｌｏｖｅ　ｕ我一世都記得你團年煮晚飯 仲有你的魚湯 你教我點著”三”等等我放學後你總是預備唔同食物給我同婆婆

朋友們知道我的事 特別預備1/7去行山 hehe 仲去左食理seafood I love u all

p.s 好多謝男友的陪伴  其實佢知道我唔開心  我發脾氣佢唔出聲 我喊又唔出幸 平時佢唔鍾意同我食糖水 食日本野又陪我 就連婆婆上山其實我無打算叫佢 但佢主動出聲  真係好多謝佢