喜愛夜浦

今日打8號呀 係屋企無野做 打下blog 先 不過我想講最近睇開d blog 好多都話因為yahoo d 服務退步左 所以考慮轉場 希望唔好啦 真係無咩blog 好睇了  嗚嗚

日同d 同事去睇戲< 喜愛交浦> 幸好用coupon buy one get one 如果用原價買 我一定唔睇 套戲同$35蚊就抵睇 但最正就是講到係d 場 club 都可以搵到真愛 現實世界可能有ga 因為我有朋友的男朋友都係lee d 地方識 但我諗一百個先得一個哈哈 但有一樣野講得無錯事 (我個人認為) 就係去中環玩的人有d真係好有錢或好叻 以前出黎做野無幾耐時 都有跟d 朋友去玩過 有d keep 住做朋友 有d真係住house 仲要淺水灣或咩灣或者做律師 或咩師都有 但始終同lee d做朋友好了

睇戲之前同事帶左 佢帶左我地去左一個叫<築地>的拉面店因為我同佢講過 自從去過日本後 發覺香港無咩拉面店好食但佢帶完我去食後 我覺得lee 間真係幾好食 雖然唔多野選擇但我見日本d拉面店都係咁 最重要是唔貴 我地4個人 叫多左2個小食 同2支飲品 都係一人$70蚊 無加一  真係抵 呢

<<大班新出的曲奇  幾好食 

最近

最近工作開始上手了 同同事多左好多野講 可惜我就快要調走了 因為香港島有site 俾我 我當然番去啦 開始有d唔捨得lee班好同事 日日都好多野笑 仲有 今日唔知點解執野時 執到好多日常用品出黎 結果我自己就拎左3支洗洗潔精 6支洗手 仲有幾支牙膏 同旅行size 的洗頭水 哈哈 今日拎住d番去先

近同左幾個細個識到大的朋友晚飯 今次晚飯的主要原因是朋友的女女生日了 我地買左禮物送俾佢 同理gathering 下啦有時做朋友真係好講”原”份 我地3 個性格真係好唔同 我好動佢地比較文靜 我讀書唔叻 但佢地就好叻 仲有好多唔同地方但我地3個真係一齊成長 有時d野真係好奇妙 今年11月到另一位朋友結婚了 佢地係咁吹我 哈哈 anyway 好開心佢地都搵到另一伴

係風月堂晚飯 食物仍然有水準 good

上星期5考完試後 同朋友仔去左high tea @icc  真係無得頂 貴就貴左d 但我考完試後當然要好好對待自己啦 但最後都係朋友請 anyway thx so much

GEM 演唱會

今個星期 6（　１１／９／２０１１）　過左一個精彩的星期６　早上番工　之後同事帶我去買星期日浮潛的用品　之後再ＪＯＩＮ　我男朋友番我堅佐放低Ｄ野　再同我老爸食ｔｅａ　就出發去“運吉”

 我地去左青衣的“　藍澄灣”睇樓　好多人都話買ｌｅｅ到不如買青衣的“海欣”　其實海欣有朋友住緊　個到行去ｍｔｒ都要成１０－１５分鍾　同理以我ｌｅｅ　ｄ　懶人　一定係唔哂　唔熱的日子先行　其他時間都係坐ｖａｎ仔　何況“藍澄灣”的會所靚過同好過海欣　不過講明“運吉”當然唔會咁快決定啦　同理之後想讀的個個ｃｏｕｒｓｅ　俾左ｏｆｆｅｒ我了　事實上我真係好想讀　但如果讀　就要張我們的結婚計劃要ｄｅｌａｙ　點算？？　十個有８個女仔朋友都叫我唔好讀　唉　？？？

 睇完樓　我地去左ｍｋ　食ｄｉｎｎｅｒ＠金太朗　ｌｅｅ　間野真係好抵食　好唔好食就見人見智啦　但我覺得咁抵的價錢有咁的質素都是抵啦　

食完我地就坐車去睇Ｇ．Ｅ．Ｍ的演唱會　起初都覺得會悶　事實上我唔係佢ＤＦＡＮＳ　但去到佢講同婆婆的事時　我喊左出黎　同理佢企係台上面講見証　心入面真係要講ＡＭＥＮ　最最最開心就是她請到方大同做嘉賓呀　

 Ｐ．Ｓ　出ＢＬＯＧ之日應該是中秋節了　送上湯圓　等大家可以團團圓圓　ＢＹ　ＴＨＥ　ＷＡＹ　我買ＬＥＥ　隻寧波湯圓真係好好食　

大榮華

原來個blog 已經無打咁耐了  見今日係屋企無野做又打下先

 上星期5 (2/9/2011) 我同d以前同事去左元朗搵以前其中一個上司晚飯 lee位亞sir 好好人的 不過基於某d問題都係唔出佢個樣好d 哈哈 我地去左元朗一1榮華晚飯 其實lee 間我之前係kowloon bay 同男朋友屋企人食過 我覺得ma ma 地 但今次食元朗lee 個又幾好食 

梅子烏頭  正正正 

明明是叫梅梅菜蒸肉餅 但我覺得同山竹牛肉無咩分別 最正就是d梅菜放哂係底 哈哈

ee 兩支野就係用黎撈豬油飯 我同事問 好出名ka ??? 另一位同事答: 係呀 to to個時叫d人一定要食 係咁話: 唔 d 豬油真係好豬油ka  我覺得好白痴

  5味  好好食 正 

唔知得咩咩馬拉糕 好好食呀 

最後我地6個人  但我地5個人請理亞sir 一人一百蚊 仲有糖水送 我覺得都幾抵

     最近工作好多野做 好似打仗咁 時間過得好快 可能開始同d 同事熟 時間過得好快好快 佢地日日都有唔同野食 大家lunch time 傾下台劇同電視 真係好快過 哈哈

最後我想講就是今日係教會睇左短宣隊去左金邊(柬埔寨)的相 我睇完都有好想喊 聽完佢地分亨都覺得自己好好好好好幸福 有好多人話簡單就是美 其實我覺得是無錯  我有朋友真係試過因為男朋友或自己唔買或買唔到名牌野而唔開心 說真 我覺得好小事 之前睇個d明星去完個d咩咩地方 見到個d 小朋友因為無野食而唔開心 就覺得自己好幸福個d說話 以前覺得佢地好假 但而家我諗番 可能是真 香港人應該要知足了