25/12/2011 Family Christmas Gathering

又係一年一到家庭自助餐時間了  原本表姐book 好哂26/12/2011 食  但因為我老媽同我亞姨兩位女人實在太多節目了 所以先轉左25/12  小有   不過年年婆婆都係到  今年沒有佢 真係唔慣  同理佢好正ka 年年都係食熱野  可以食3碗飯  但其他野唔食 哈哈 佢年年都問佢係唔係唔使俾 我地就年年話老人家唔使俾 雖然我覺得亞婆係舍我地呃佢 哈哈 

講番今年自助buffet  選在尖咀柏景餐廳  因為可以食完睇下燈"色"  家姐同哥哥因為車爸爸出去 所以我同大家姐同佢仔仔坐船出去 見到海港城有波派好正常d小朋友一定去拎啦 但我見到d家長 拎完又拎 最正係拎完又同職員講 : 我個仔/女唔鍾意 有無咩咩咩咩色 唔係ma   一係就係個小朋友面前一齊搶 真係好恐怖


之後就慢慢行去食buffet  講番lee 間野先  之前咪食同咪聽過 不過25/12/2011 lee d 大日子 都係 $198  又真係幾抵 同理有聖誕老人浪禮物都ok 啦 食物就ma ma 地  

炒雪糕  好hea

3文魚飯 幾好食 

食完我地就行下啦 但harbour city 真係勁勁勁多人 好苦先去到坐船回家 不過一年一次 辛苦d都值得 之後大家分批到我家開4方城同交換禮物  雖然大家都大了  但難得大家都俾面出席lee d party都算係咁啦　

今年表哥拎到全場最ｄｉｓｌｉｋｅ　哈哈

ｐ．ｓ　其實好想講一件好好好激氣事　話說我地一家人係海港城用lift　有一家３口著得十分光鮮　　個女就用ｃｈａｎｎｅｌ　ｂａｇ　竟然同我地搶用俾傷殘人士ｌｉｆｔ　頂　部ｌｉｆｔ　係俾傷殘人士用　唔係俾你放你部尊貴ｂｂ車　ｏｋ？？　仲好意思同我地講　係我地打尖　我亞哥同個職員講　ｌｅｅ　部ｌｉｆｔ　應該唔係ｆｏｒ　咁用　個個男人同英文講：　點解唔可以用　？之後我哥哥都同佢個職員講 係點用?  之後個職員俾我地用先 其實根本就係我地到先 仲要我搵左勁耐先搵到職員幫手 好無奈  其實身為家長 難道傷殘兩個字唔識睇? 當你唔識睇中文 英文都睇得明掛  ? 其實眼見香港人好似好自私  所以第日我有小朋友  我一家教佢要禮讓 而家好多人怕讓左俾人就無 太可怕了  始終我覺得人要成功 其品行是十分重要 

煮飯仔

其實一向都想試下打入廚blog  不過煮黎煮去都係個d  希望第日學識d新款再寫多d 啦  

今次媽媽教識我整一樣"送"  係健康  又易整  

就係叫做" 純爐魚蒸水蛋" 

基本上係你去街市買一條"純爐魚"  我媽媽話一定要係這款魚先可以整  所以我整俾男朋友食時 都係買這 款魚 如果有其他blog 友 知道可以用其他魚都可以講下 hehe  

條魚事前都無咩野做 好似平時蒸魚咁 洗下去 整走d"倫 " 個d 之後就"發蛋"  其實無一定要蛋份量係幾多  都係睇你隻碟大細同自己想食幾多蛋  

d蛋"發到起泡起  就例入去一隻已經放好條魚碟入面   之後滾水蒸就可以了  條魚幾耐就睇番大細啦 可以買魚時 問下個魚檔  我個條就蒸 "8" 分鍾就ok  其實媽媽話係屋企蒸魚 好少要蒸8分鍾以上  

lee 樣送我無俾什麼糖油等等 因為本身lee 款魚好有魚味  所以令到d蛋都有味  我覺得好好食 同健康   同場仲買左6隻象拔旁  男朋友勁鍾意食 不過6隻就已經 60幾蚊了 不過咁大隻都抵 同理男朋友話出面食最少要俾幾百蚊  有無咁勁呀 哈哈 

不過自從有工人姐姐後少左煮野食了 不過都要學識整多d野食 

亞媽教蒸魚唔可以心急一定要水滾先可以蒸  所以蒸魚對我黎講係最容易

男友好鍾意食 佢話多d 粉絲仲好  

好好食的布丁 

p.s 出blog 之日又聽到個d 有錢人分身家分到上法庭  其實有時我真係會諗 錢真係咁重要 ??  就算俾你有一千憶身家又點 ??  無親人同朋友有用咩??? 可能我不明白有錢人生活啦 所以唔明錢對於佢地黎講有幾"重要"  哈哈 

太平館

好耐無打blog 了  因為最近放左工都好夜了 ( 其實都係7點幾jar ma) 哈哈  同理又唔知打咩好

上星期同朋友慶祝生日 去左尖咀太平館  說真 我一年前去過我真係覺得唔抵又唔好食 (  一個牛河要成 $90) 但壽星女話咪食過咪去食啦

我地4個女仔叫左一個2人餐  包括兩份沙律,  煙肉炒雜菜chicken wing 同牛河 仲有2杯飲品同dessert 另外叫多左個免治牛肉飯  好似成90蚊 差不多係我公司@附近轉做外賣的餐廳ga3-4陪  但我又唔覺得佢好食 太咸了

食完我地仲叫左一個大個你塊面的梳乎利 其實真係得舍大字同理最正係生日個個女仔自備”立足” 我覺得好好笑 哈哈

我地4個人食左$612 我覺得一d都唔抵 好食又唔係 仲要d services 勁差

到我地走左再行去飲野時 先記得起我地仲要蝕左兩杯野飲同derrest ( 2人餐) 包 個個 頂  我一定blacklist lee 間野

今日我地講開儲錢買樓時  因為佢地住青衣  我最近成日都睇青衣樓 有個朋友講佢同佢男朋友儲錢是 佢男朋友 8 佢2 又話自己儲唔到錢 因為要交學費  話我因為搵得多先可以咁多儲到錢 其實我又唔係好明 有心儲點會儲唔到呢?  我由讀part time 時已經同男朋友一齊儲 不過係無而家咁多 佢話我地可以儲5-6千蚊一個月好勁 其實我已經覺得係正常  我同佢地講第日供樓同雜費都唔只lee 個數啦 其實儲唔儲到真係睇你有無心 我同佢講地:  我同男朋友好少食貴野 真係好少 有時過時過節 佢或者我屋企無人時 寧願去city super or sogo 買靚野食 一黎唔使迫 2黎真係便宜好多  我好記得有個blog 友講過 :當你手拎住I phone 同gucci 時 唔好同人講買唔起樓 只係你決心唔夠 如果真係有心買樓 就應該要努力儲錢 唔係等人幫你

by the way 最近成日睇青衣藍澄灣  其實真係好似好ok  但我又怕番工唔方便 上網睇好同唔好ga common 都有d 唔知有無人係住藍澄灣 呢???