鹿嗚春宴

之前打左唔開心的事 今日打番d 輕鬆事吧 

有朋友係外國回流 佢話 要食鹿嗚春 好 咁就食吧 其實d人話佢退步左 但我好耐無食過 所以唔清楚呢

桂花魚 好多朋友都話好食 我無食 因為魚我都係鍾意食蒸 哈哈 

豬肉粉皮  這個好食 

我朋友見到 好興奮 佢話想食好耐 哈哈 

情是何物

最近發生了好多事   當大家開心幫男方準備求婚時 但男方都已準備在我們面前同與女方講分手

有時覺得愛情真是好唔可靠 最少女人如果有錢 我唔怕俾人cut我咩card 咩card 自己唔錢用 無錢俾亞媽亞爸 係朋友失戀的同一晚 係嫁左去台灣的好姊妹打電話黎喊住同我講 佢同佢老公argue 之後佢老公就cut哂佢所有card  痴ka  

我由好期待男朋友快d同我求婚到而家無咩感覺 反正求完都可以分 有時我覺得同男朋友的路好像好唔同 佢想我第日在家做一個FT MUM 但我更想出外打工 我不是說要係事業去到邊個位 而我係想用自己的錢去供養自己的爸爸媽媽

最近思緒好煩好煩

炸蝦

最近又下廚了 因為屋企人去左旅行 所以下廚煮飯俾我家姐同男朋友食 ( 無錯 係我煮番俾我家姐 因為我家姐由細到大都唔識煮飯 最正就是細個爸媽去左旅行 放低錢俾我地 咁我同弟弟就最鍾意 買”送”煮 OR 煮面食 因為可以儲理D錢買野 但我家姐好細個已經寧願用錢買飯盒食 最經典是寧願買水都唔煲水 哈哈因為佢話一溫書就咩都唔記得 不過又真係真 我細記得佢可以一到考試時間 唔計食飯 或去廁所 就可以全日都係自修室 溫書 哈哈

拉開左話題 話說個日同男朋友的媽媽飲茶後 就行下吉之島因為成日覺得煮黎煮去都是個幾樣 想睇下有無其他野可以煮結果男朋友話想食炸蝦 所以就買左一PACK 有十隻 只是$ 36抵到喊

其實係吉之島這PACK 蝦真是抵到喊 佢SIZE 雖然說不上說大隻 但計番3.6一隻 仲想點 係街食 分分鍾仲好油 又無咬口 一咬就得粉TIM 哈哈 但這款一口就是蝦肉 又唔油 當然我又用得好少油去炸 因為貴MA 我炸完又有用PAPER 印一印令佢無咁油 哈哈自己讚自己 仲要唔使咩SKILL 最重要就是D油夠熱 哈哈

 雖然我唔知大家炸完D油會點去 我自己就好慳 我炸完會”西”一”西”D 雜物再煮其他野 不要以為咁用就是千年油 根據一名做左C奶多年的女人( 我亞媽) 千年油定義是D油N年都係用個D 但我絕對唔會

我用個D油煮了蜜糖原本男朋友想食豬頸肉 但好貴呀 算啦 差不多JAR MA 哈哈

最後家姐講過想飲湯 所以又係JUSCO 買左個3 文魚頭煲湯就是<蕃茄薯仔魚湯 > 唔知大家係點煮LEE 款湯G我上網睇過好多VERSION但最後都係用番亞媽教個款　

就是先煎一煎條魚　其實亞媽教用魚仔係最好飲　但唔識買　哈哈　之後就要炒Ｄ蕃茄同薯仔先煲　男朋友都話這個係最好飲　哈哈　

最後因為煮左太多野最後就是好簡單的“６”菜心

同場加送 我同事部車 一定係佢女友傑作 哈哈