海嘯奇蹟

最近好多活動  就過年 要同亞媽去買下野

係某一個星期5 同同事即興去睇戲 我們今次睇< 海嘯奇蹟> 真係好真實  更覺得主角一家人十分幸運 雖然無睇到喊 但都有d感想講

其實套戲入面  有一度講 個男主角想問人借電話 打番去自己屋企  問第一個人無借 佢好唔開心 到第2日 有個男人同佢一樣唔見左自己仔女 都等緊人打電話俾佢 但個個男人願意借電話俾男主角 人總是在不同關口 面對不同問題 但如果身邊的人願意互相幫助就可以令自己或別人度過難關了 記得以前沒有咁多反對聲音 但點解好像而家d 官做咩都錯 ? 拎地起又話要保育 一係就話係是但搵地起  唔理3721 唔起呢 ? 就話你地產霸權  一係就叫你下台 唔下台呢 ? 就係議會到大聲講野  唔知點解 我覺得好唔尊重人 再唔係就教d 年輕人 係禮x府放飛機 這是尊重嗎 ? 其實政府絕對可以搵食環個個出告票  位位 $1500 其實點解我們唔可以好似套戲入面咁  大家互相幫助 去解決問題  為反對而反對 為嘈而嘈 唉  ( 只是小妹感想 沒有什麼政治思想 )

睇完戲 我們去左食拉面 我真係完全想像唔到一間咁難食的拉面可以食銅鑼灣開 真係好好好難食 d面又好似生生地 個湯又唔掂 仲要貴 一定無下次

同場加理同事個亞哥買俾佢的馬卡龍 好貴呀 成30幾蚊一粒  所以我決定自己整 hehe  原來是好好好容易  

shine 演唱會

好想打這篇blog 好耐了  hehe

就是我兒時喜歡的歌手開演唱會了  就是……………………..SHINE

其實佢可以買飛個日我唔係香港  真係多得我表哥幫我買  佢真係由細到大做咩都係我的鐵腳 可能我地只相差兩個月到  我們失戀又陪大家 行街又陪大家  就連佢第一次拍拖 我知道時 我亞姨又唔敢問佢都係問我 哈哈 

其實都唔知點解SHINE 突然間無左 我記得我讀U 第一年CHRISTMAS PARTY 都有請佢做嘉賓 我仲公器私用 搵佢影相  但個時我好多同學都係鍾意天右 我就鍾意又南  因為佢笑起上黎好可愛哦 

原本想買最貴  但表哥話無哂 最後買2百幾 但都OK 啦 佢開3面台 一開場已經好HIGH  

中場 佢地講到自己的事時 真係幾感動   

 最正就是大家ENCORE 完 開哂燈 就連台上D BAND 都走哂但D人都唔走 包括我同我D FD 佢地就突然間走出黎 再唱多左2隻定3隻歌 我們仲立即走左去5百蚊位個到 哈哈 真係好好好正  

shine 的演唱會令我諗起 以前讀書的生活 記得以前都是經常走堂學生 最最最鍾意就係攪學生會 唔知點解好細個已經覺得攪lee d 咩會 好好玩 仲要係學生時代要有回憶 哈哈但講真 真是畢生難忘 出到黎做野 仲點會有lee d 會俾你攪 自己更加唔會有心機捱幾晚夜去做poster 做宣傳單張呢 出黎做左野都6年幾了 人大左 覺得好多野要去諗 唔再係以前出黎初出茅廬的小朋友 講野 做野又要諗後果 又要諗理人事 真係好多野諗 唉 有時同d以前讀書同學晚飯 大家都覺得時間過得好快

五年了

又好耐無打blog 了 其實有好多blog 想打  但最想打一個好有紀念性的blog 就是 我同男朋友拍左5年拖了
12/1/2013 係我們5年了 轉眼間就5年了 說真 我自己都唔知點解可以同佢拍到5年  有好多人都話我們好似樣 就連爸爸媽媽都好喜歡佢 而佢仲係我班朋友 可以同佢地做fd  有時佢仲會同我d 中學同學男仔朋友去飲野 踢波 我時常說 沒有花 沒有金 但有你 有時男人是否對你好 唔係用禮物去計  但有就當然唔mind 啦 哈哈

12/1/2013 是星期6 我們去左食上海野先 好好食呀 之後去左睇戲 < 一代宗師> 其實一心諗住睇下偉仔個樣可以點耍功夫點知比我想像中小 oh 男朋友仲要話 你唔係覺得佢識打呀 哈哈

睇完 原本去食露比星期2 因為恆生card 有折 但男朋友帶左我去食 法國餐  就是 老富昌

我叫左磨茹湯  男友叫左雜菜湯  正 

頭盤仲有焗田螺 

主菜是: 安格c 牛牛 我們要左5成熟 個著條都好好食 

最最最開心就係男友送左一個我期待已久的miu miu 手袋俾我 其實我想要左好耐 就連家姐去歐洲時 我都諗住叫佢買 但最後唔捨得 多謝男友實現我的夢想 

20121231 我生日

 多謝我亞媽幾廿年前 生我出黎  今年最好生日禮物就是爸爸出院了 

我公司有一個好攪笑福利就是 生日有一日假 唔放就計番錢原本都想番 但老爸出左院 佢又話想我一齊飲茶 所以就陪下佢啦 hehe

今日男朋友無得放早 我飲完茶同老爸行左陣就出銅鑼灣行街

男朋友大約8點00到出黎  ( 我好嬲 之後先知有個故事 ) 我們行左陣 影左陣相 大約8點到就去左晚飯 今次男朋友帶左我去怡東酒店 仲有window seat 坐 好開心

 有湯 

我的主菜 

男友的 佢話咁細份仲話一定唔夠佢食 點知岩岩好 

最後就是有甜品啦 我仲問男友 點解無得選擇 原來是 登登登登 男友親手整的生日蛋糕呀 超開心 原來男友今日早走左 是因為去左整蛋糕 但因為班上有人遲到 所以遲左開班  d cream 係用新鮮生果做 好好食   起初我叫男友買tong wong 生日蛋糕 點知佢唔買 不過我想講 男友整的 一定好食過tong wong  hehe

最後男友仲送上生日禮貌 就是電話一部 多謝你呀 今年生日過得好開心