我與外婆

最近得知好朋友的婆婆 過左身 其實佢婆婆情況同我婆婆情況真是差不多 就連屋企之後發生的事都差不多

好細個婆婆就一個人湊哂我們d 表兄妹 總共有5個人 當然有大有細啦 但都相差唔多4年

我真係覺得亞婆好叻 以前一早就係我大姨屋企 接走我兩個表姐同表哥 去我屋企 之後早上佢煮野食 俾我們食午餐 之後番幼稚園又有 番小學又有 中間佢就買”送” 掛 之後放學就接我~們放學 仲有下午荼俾我們食 真係勁

之後5點幾 亞媽回來 亞婆就走 我成日都會唔開心喊  婆婆係我好細個已經好慳 佢都教我們應使先好使 無咩野就儲起佢啦 我諗我而家成日叫人儲錢都係因為婆婆

同婆婆之間好多回憶 婆婆照顧我們到小學 之後到我升中學開始同媽媽關係差 有一排我直情去左亞婆到住 諗起都好堅但個排 就係同婆婆勁好 就連我第一個男朋友都係第一時間介紹俾婆婆識 同婆婆一齊住個時 婆婆無話我 叫我番屋企住 咩都無講 只係話 其實亞媽想你好 點點點 之後就慢慢先番屋企住 婆婆煮野食好叻 我d 同學好鍾意婆婆煮d野 年年christmas party 我們唔會叫到會 因為佢地會叫婆婆煮 我亞婆又好開心好樂意 因為我同d 同學會一早上佢屋企幫手準備 但次次上到去 亞婆又唔俾我們幫手 一個人煮 亞婆仲要預備 d 小食我們所以我d 同學好鍾意佢

到我讀大學時 去左外國讀多一年 亞婆擔心到喊  我都想喊 到我讀完番黎 我們星期日 都會同亞婆飲茶 但亞婆一定搶住俾當然唔使啦 到我出黎打工 我都會俾錢佢 唔可以話多 但係心意 佢就次次都唔要

到前年 婆婆身體唔好  親戚中 某d人就開始現形 婆婆住醫院時 沒有探過婆婆 到婆婆出院時 佢想請工人就唔俾 就一定要佢入老人院 錢唔使佢俾 因為我可以俾 就連我d 表姐表哥都可以俾 我們仲話share 俾 但個個人都唔俾 有邊個老人家想住老人院 我們年輕人俾得起 點解仲要俾佢住老人院 由個一刻我就好討厭個個人 到婆婆不在時 婆婆想土 所以留左一筆錢方便第日維修用 唔想俾後人太大經濟壓力 個個親戚都唔俾話一定要分哂d錢  d 錢keep 左係我亞媽到 因為佢係最大 佢就話我亞媽好霸住d錢 我真係好憎佢 lee 個人有幾層樓 出租生活無憂 但就連亞婆d錢都要霸

事隔一年多d 婆婆仍然在我們心中 有時聚會時 都會講起婆婆我真係好多謝佢 因為沒有佢就唔會有我 原來亞媽話 婆婆係我好細個就留左嫁妝俾我 係一對好細龍鳳鐲 話我第日結婚要俾我 諗起lee 到我就好想喊

其實好想同婆婆講 : 好掛住你 更希望所有人 要留多d時間陪你屋企人