講番年初 一的團拜 我亞媽係最大 所以婆婆唔係到後 就轉移到我們家了 記得細個最鍾意就係去亞婆屋企拜年 我們d 細路簡直開心到呢 因為亞婆屋企樓下有個大公園 一定去玩 仲有亞婆煮d野真係好正 佢可以迎合小朋友的口味 例如: chicken wing 煎魚柳 等等 總之你up 得出 佢都識煮 但就唔俾人幫手所以亞婆好勁 所以一個人煮成30幾個人飯 我們食飯都分幾round 哈哈 今年係我們團年 簡直嘈到折天 男朋友走時 話有耳嗚 哈哈 我亞媽個日3點幾已經prepare d 食物了 幸好工人姐姐唔放假
個日有翅湯 真係有魚翅 有包魚生菜 真係堅正 唔知亞媽點煮仲有蝦 好好食呀 仲有條大魚 價值150蚊一條 仲要買左2隻雞都有兩款 一個是白切 另一款是油雞 其實仲有盤菜 係亞姨整 不過唔記得左影 都好味
我係花市買左個波 係狗仔黎 可以拖住黎行 好得意 個日有8個小朋友 有5個識玩 我買左3個 最後走時 得番一個係完整d 不過都無左隻耳仔了
轉眼間 家姐的仔仔都讀小學了 買左個蛋糕同佢慶祝 好開心呢 希望佢開開心心
沒有留言:
張貼留言