閏密

好耐無打日記了 因為最近好多野做

星期2 同一班 我最好的姊妹去睇閏密 其實我睇戲好少睇到喊 可能唔夠投入啦 但今次真是睇到眼濕濕 可能有寫到我的死位

入面有幾幕都好感人    個女主角知道自己個 未婚夫有第2個  另外兩個好姊妹陪佢坐天光 回想自己有一次失戀 我係時代廣場大喊   喊完就係到呆坐到差不多天光  諗番都好恐怖  

我又試過拎張附屬卡勁買野 又係朋友陪


我好鍾意戲入面一句 < 當女孩子之間沒有妒忌  就是真正的友誼 > 說實在 我真是好少諗lee 樣野  可能我又唔介意 人有我無 哈哈 好亞q  哈哈 

 其實我真是自己有閨密  閨密唔使多  但我實在慶幸有 係我失戀 失意時 聽我喊 聽我廢up  陪我坐  我實在多謝你地 

歡樂聯盟之**橫琴長隆海洋王國

12/7/2014 我同一班中學同學上左大陸的新開的長隆公園玩 我地兩個月前已經約好左 hehe

其實真係好難得 因為我地有12個人去 不過就難為d 團友 因為我地實在太嘈啦 我地都有d 唔好意思

其實個團真係好抵好抵 雖然 d 團餐好ma ma 但都可以接受 哈哈 仲有 我地個團都係$659 已經包左入場 我地玩到夜晚呀 抵 仲有個水族館都好值得去  

第二日去左國父孫中山 紀念館 我地仲影左好多相  超開心的兩日 我朋友話我地整班同學好難得 咁多年仲keep 到聯絡 朋友話我地d 對話好好笑 其實對住這班朋友真是可以完全唔使用假面貌 因為想笑就笑 唔使諗太多

有朋友問幾時再攪 又話想去邊到 其實唔知點解我覺得去邊都無所謂 開心就得 hehe  去相啦 

  

李大仁

很久沒有打日記了 最近發生了很多事 有同學因為情緒病過身 其實我諗係香港這個地方真是好大壓力 唉 最近我有一位好耐無見的朋友找我 原因是知道我朋友係一間名校教書 希望我可以找一點面試資料 好恐怖

最近有朋友失戀 回想起 我失戀的時候她都在我身邊 如今到她 可以做的 就只是陪她多一點

最近有有朋友向我說 她身邊有一位李大仁  大家知道李大仁是什麼嗎 ? 哈哈

她與李大仁相識數年了 一直對他只是好好好朋友 更沒有想過自己會喜歡他 自她失戀了 李大仁陪他 過馬路時 李大仁捉住他的手行 她哭時 李大仁陪她渡過 漸漸她對李大仁有好感 很想與他發展成為情侶  以前總是李大仁找她 現在反轉了 是她找李大仁, 有一次妹很生氣 因為知道李大仁有上線 但沒有回她的信息 但她忘記了與李大仁只是好朋友的關係. 李大仁經過吵架後, 李大仁回信息的時間快了一短 如有重要事他會說一聲. 漸漸朋友認定李大仁對她都是有意思.

在餘下的日子 朋友一星期總會相約李大仁見面,. 但漸漸發現李大仁總是要發出數個信息才回覆的朋友, 當她心在意冷的時候 李大仁就好像感覺到一點 就找她多一點, 有事時找朋友幫忙時就回覆信息多一點 朋友開始因分不清她們的關係減少與他聯絡 但李大仁好像不在乎.

朋友問我 是否應該在李大仁的世界消失 我不懂答 或者我份人做事太過黑白分明 對朋友都是 我認定是朋友就是朋友. 有BLOG 友可以講下嗎 ?

復活節

今日難得放假  我留在家休息下 打下blog 搵下資料for 9月個旅行 hehe

今次個easter hoilday 做左好多野 好開心

第一日 同左個同事去行街 共事咁耐都係第一次  又一對情侶敵不過結婚的責任 分開了 其實佢真係好可惜 因為佢地樓都買理 而家仲有金錢的問題 唉 我陪佢買左好多野呀 我自己都無買咩 hehe 晚上出席我家的皇太后　我亞媽的生日飯　哈哈　我地ｂｏｏｋ　房真係無錯　因為幾個小朋友加理破壞力十分驚人哈哈　

個蛋糕係家姐個朋友整　　簡直係心機之選　就連船入面不是空心　係有蛋糕的　真係好靚　大家可以係facebook search " sweet garden "

第二日 就同左幾個同學去左蒲台島行山 我地一心諗住去離島唔會見到強國人 但原來唔係 唉 佢地真係好黑人憎 講野又大聲 我地坐船時 明明個個位係俾4個人坐 咁我地4個女仔一齊坐 咁仲有小小空位 佢地都要迫理黎 我朋友話 喂 這是4人坐位呀 你睇下啦 . 唉 之後去洗手間 人人都好自律咁用完洗手間出去拎水沖廁 佢地又係唔會ka 唉 簡直有佢地 破壞哂離島的氣分 唉 .

我地行左好耐 個日好好太陽 不過又唔太熱 行下山 之後搵地方野餐 我因為今次野餐 買左個好靚的食物盒 哈哈 我地一人預備一d食物 我地坐得好近海邊 所以好涼 好舒服  

第三日與朋友去左南Y島  我地去左食個all day breaskfast 先 之後就行下山 我地去左風力發電站 熱就熱左d 但都好舒服 

第4日 有親戚係外國番黎 去左珍寶飲茶 其實我唔明點解咁鍾意去珍寶 又唔係好食 又貴 最重要係我唔覺得services好　叫佢俾多張椅　叫左幾次都無　之後有個部長叫我自己拎　雖則我知道係多人　但我有俾加一　水又係我自己加　咁我俾加一你的服務　是什麼？？

　

這個假期過得十分盡慶　

ｐ．ｓ出ｂｌｏｇ　之日　有好多人都批評一單新聞　係講警察是否應該開三槍之多　令到有人身亡　其實我覺得　我們沒有人在現場　有誰知道危險性？　如果假設個個男人有進一步到出事時　好多人都批評警察唔做野？　其實我只是覺得警察唔易做　開槍的警察都唔想有人出事　他們現今都要受不少批評　壓力　點解唔可以停一停　？　現今香港實在太多批評，　投訴　希望大家少一點批評　多一點關心

R& F

今日好想推介一間小店 @銅鑼灣

叫做 R & F 係銅鑼灣


其實間鋪頭細細地 但格局好舒服 好舒服 好耐無去這小店  銅鑼灣實在太多連鎖店 食的, 買的 都是一式一樣  希望這小店可以堅持下去

這小店令我推介的地方就係 有 3眼仔的飲品 好開心呀 仲有3D 的 公仔

食物都好食 但就比較細份 男士可能唔夠 因為身邊的就說不夠了

 食完我地就去左南華會玩 好開心

P.S  由友人口中得知以前男朋友的近況   說實在 我沒有"很" 他 但我身邊好多的朋友都"登"我唔抵 有些朋友好討厭他 說實在 我不希望朋友去討厭他  是真的 其實他都有努力過 只是最後結果是這樣 我們都沒有辦法

中學團拜@8/2/2014

打下blog了　其實件事發生左好耐了　不過係好值得紀念　所以都要打　

８／２／２０１４　係我同ｄ　中學同學團拜　我地年年都會攪團拜　其實我地成班都咪有人成家立室　係懿在見面食個晚飯　見下ｄ老師　

今年選址在多彩酒家　我地擺左兩“偉”　食物都好食　不過無影　因為我負責做ＭＣ　其實都係玩下ＧＡＭＥ　笑下　

同理今年加左個慶祝環節　個生日蛋糕係我準備的　好靚　回想我地畢業都十多年了　有好多人都話知心的朋友一定係讀書識　我都覺得係　雖然大學同出黎做野都會識到知心友　但感覺同中學同學認識的　都仲相差Ｄ　Ｄ　

生日蛋糕 好靚

 大合照 次次影相都好好笑 好似番番讀書時咁好笑 有時回想番  < 友共情> 隻歌真係無錯 

時光可變　世界可變
　人情亦許多都變遷
　友共情不變　那種真找不到缺點

過左好開心的一日 多謝大家 

老爸生日

老爸正日係5/3 不過係平日 老爸唔想大家食得咁趕 所以就等7/3星期5 食 

今年都係個間酒樓 但係唔知道係唔係質素差左 好似難食左 但價錢又貴左 

生日都係食個d 啦  今年家姐搵左朋友訂左一個船型蛋糕  味道就普通啦 但老豆就好好好開心 因為我都覺得整得好靚 

大合照  其實一家人真係好難得整整齊齊開開心心食飯 我地一家人生活唔算富足 但就開心  

<<<  唯一一張食物相 因為好大隻龍蝦 哈哈 

蛋糕近鏡 好靚

8/3/2014 就係我睇陳綺貞的時候 其實原本買唔到 因為我一心睇山頂 但好快賣哂啦 點知有日同事話佢有朋友唔睇 我可以睇 正 我之前睇過佢係9展已經覺得好正 今次都無令我失望 因為佢手鋼琴好正 佢行出黎真係2一副音樂人格 

 佢成個演唱會無嘉賓 好靚3 但有一流歌喉  好正 我諗香港無邊個歌手好似佢咁 

家庭樂 三門仔

嘩  原來好耐無打blog 了 因為最近公司真係好好好多野做呀

不過今次,一家要記低 話時新年時候 我們一家人去同叔公拜年 老豆同叔公講起想去三門仔玩一日 因為叔婆以前係三門仔大

所以我地就一家人一個月前約好左 8/3/2014 book 車去玩一日

我地一行十幾個人係香港仔出發 去左黃大仙接叔去 就浩浩浩蕩蕩出發了 其實老豆以前係跟叔公搵食 所以我們個個都好尊重叔公 同理叔公自從大病一場後  真係老左好多

我地去左三門仔行下 佢地幾個老人家 見到d水上野 同相 就無停過口 好開心 我見到都覺得好開心 真係好開心 老人家又有得講 我地同行有6個小朋友 破壞程度有十分 好恐怖 但真係好開心

其實只係去左三門仔行左一轉 睇下博物館 走時 買左雞屎滕食其實都係第一次食 但原來好好食 亞媽話係真野 因為而家好多地方係用芝麻做

之後就坐車去飲茶 幸好有房 咁大人同細路都舒服 d

今日全日花費唔多 但就好開心 其實愛是需要行動 大家有多d時間就要家庭樂下 陪下屋企人 hehe

我地約好左下次去布袋澳 諗起就興奮 哈哈

三門仔

這個就係雞屎滕

新屋派對

又係時候打下blog 了

係某一個星期六  去左一位朋友新居玩 地點係<譽港灣 > 超爆 因為我表哥都係住LEE 到 我耐不時都上下去 去到登記位 我UP左我表哥地址　但個保安話　根據記錄　這個單位暫時唔係香港　問我　係唔係記錯　哈哈　勁樣衰　我開始明白點解表哥話佢地Ｄ管理費咁貴了　哈哈　

其實我同這班朋友識左唔係好耐　但真係玩得超開心　我地買左ＣＵＰ　ＣＡＫＥ　因為有朋友仔生日　又買左壽司　我地係商場買一田個Ｄ　又抵又好食　又買左ＰＩＺＺＡ　ＢＯＸ　ＰＩＺＺＡ　買一送一　抵到笑　哈哈　

 

玩到１１點幾　有位朋友俾佢老公吹佢番屋企　咁我朋友黎接我　我就叫佢一齊走啦　之後我話車佢去ＭＫ　佢轉車　因為佢住天水偉　我以為ＭＫ　係中間位　佢有車坐回家　點知佢老公叫我車佢去紅磡住西鐵　

咁我同我朋友就去左飲野　１２點幾　我仲ＷＨＡＴＡＰＰＳ　我朋友　佢話已經回到天水偉　咁我無理啦　點知１點幾　佢老公打黎問我佢老婆係邊　我話　下　佢１２點幾話我知已經到天水偉　我勁擔心啦　因為始終咪番到去　再隔左一陣　佢老公打黎勁嘈　話我地成日都玩到咁夜　無１２點都唔散　攪到佢老婆咁夜番　佢地的婚姻可以點維繫　

我話：　下　你地婚姻點維繫唔係你地之間有共識ＫＡ　？　總之好煩啦　這件事仲要俾我之前個男朋友知道　佢同佢嘈交　我以前男友叫佢搵野ＬＯＣＫ　住屋企度門　唔好俾佢老婆出街　唔好個老婆遲回家　就打俾人嘈嘈閉　

第２日　我朋友知道佢老公唔岩　打俾我講對唔住　我同佢講　不如你開心見成同你老公講想玩耐Ｄ　佢竟然話唔敢　

唉　我咪結婚　我唔知道結婚後的生活是否都係咁　如果係　真係好恐怖

屋主間屋超多公仔 包括80後的人都識美少金戰士 哈哈 

大合照 

愉快星期六

太耐無打blog 了 其實好想打下台中同德國發生的事 但相都咪拎ｕｐｌｏａｄ　哈哈　唯有打下其他事　

自從無拍拖　突然覺得自己好多朋友　有好多朋友都叫我去個到　去個到　突然覺得世界好大　自己心情都開始好番好多　好多朋友都叫我唔好再搵佢　佢搵我　我都唔好覆　唔係我會放唔低　但自問　大家又不是不歡而散　又何必攪成咁　家姐叫我唔好搵佢幾個月先　ｓｕｒｅ　自己放低哂先好搵　如果唔係　我自己會好慘　但始終順住自己心意行吧　至少我知道自己唔係等緊佢　

今日相約朋友去左睇戲　去左睇＜救火英雄＞我覺得幾好睇呀　雖則係香港應該無咩可能發生　不過都值得一睇　至少我覺得任達華好正　細佬幫過佢ｓｅｔ　頭　話佢份人好ｎｉｃｅ　

之後同朋友去左食晚飯　去左食ｓｉｍｐｌｙ　ｌｉｆｅ　都幾好食　行左一陣　我們仲好勁上左山頂傾計　仲撞到朋友　

多謝這位朋友陪左我一個開心星期６　

ｐ．ｓ　有朋友問我是否已經接受左新戀情　有好多人話　岩ｋａ　要忘記一個人就應該要搵新男朋友　但其實我覺得這個講法好可怕　話我老土都咁話　無人會想做代理品的　自己唔想做　點解又要人地做呢

2014年新開始

2014年新開始

2013年年尾與男友分手 哭得死去活來  但幸好 有一大班好姊妹 好朋友 我失戀的頭一個星期 我的飯局係差不多晚晚都有  加上要番學 撞正公司年尾  所以時間唔太難過

加上 與朋友去左一轉台中 話 提外話: 希望大家買機票  大家唔好貪便宜 我就是因為貪便宜 我買左香港快運  最後 嬲到火屎咁番學 之後打blog 再講

之後因為要replace 個同事 我又去左德國 一轉 仲可以去探朋友 hehe 超開心

22號番到香港
24號出席朋友的生日party 其實好多年都無同佢正日慶祝了 我記得我咪拍拖時 我年年24號都同佢慶祝 但近幾年 24號以前男友都想我同佢d fd 過 所以我多數係佢前後的日子同佢補或者預祝 諗番起 都對d 朋友唔住

25號同朋友去睇哈比人  都幾好睇 之後又出席另一位朋友攬的聖誕party  哈哈

26號 訓左6個鍾 出席家人攪的一日團 我們一行16個人  book 左車去布袋澳 一行5個bb 破壞力十分驚人  幾時都話生女好 因為住情最正常係我表姐個女  但我表姐話係因為佢咪識行 哈哈
回家訓多陣 再出席中學同學攪的一年一度聖誕party  去左朋友的新屋   好開心 笑爆咀的一晚

27號 同事幫我預祝生日 去左食蟹 好好食 但我無諗過咁貴  超開心的一晚 同事仲親手整左蛋糕 好感動 哈哈
28號 同同事去左睇救火英雄 再食自助餐 好開心
29號家人同我慶祝 叫左到會 仲有媽媽整的食物 又有大利是  好感動
30號 朋友同我預祝生日

31號 -1號去左 塔門camp 睇到好多星星 無諗過咁多 完全唔似香港 我仲睇理日出  好靚 好靚 睇左日出 突然覺得是新一年了 我要學習放低


突然覺得 拍拖的日子 自己的生日好小 什麼事都以男友做前提 但慶幸 有一大班好朋友 大家都怕我嫁唔出 個個搶住介紹男仔俾我 事實上 拍拖咁多年 好累 心理上仲咪想拍拖 反而想去玩多d 多謝我的好友 是真的
定下2014的目標 我知道我可以實現的 hehe