那些年

最近好hit的一套戲 < 那些年> 我都睇左了 真係好好睇  睇戲前原本同男朋友仔去食皇室保的KFC ( 係佢最愛  但我最憎因為我覺得又油 又唔好食 不過我是一個好女朋友MA 所以我同佢PROMISE 左一個月可以食一次 哈哈  唔好話我衰 我咪識佢前 可以一年都唔去一次 ) 不過好可惜 去到發現無左 哈哈 所以之後去左<夏面館> 晚飯 因為唔知食咩好 所以叫左2人set 用citibank card 仲有85折 我覺得overall 都幾好食 價錢都唔貴 但我見到一客< 蟹粉小龍包> 要成$108蚊 唔知有無記錯 都幾貴 所以無叫

酸辣湯 我覺得幾好飲 

唔記得左叫咩 男朋友都鍾意食 我就食哂D 雲耳ONLY 哈哈 

糖醋骨 勁唔掂  其實佢個汁係幾好食  但D肉好難食  諗諗下 可能我仲整得好食過佢

其實仲有兩樣野 不過唔記得左影相 哈哈 

之後入場睇<那些年> @皇室保 我同男朋友都鍾意係LEE 到睇 因為好舒服 其實我覺得套戲好睇地方 係因為入面大部份的情節大家都可能試過 所以覺得好睇 但我又唔覺得需要喊 我一路睇 一路諗番中學的好笑野 可能最後大家都覺得男女主角無一齊 好可惜 我諗番起 我中學時 識左一位C 兄 我中4佢中6 我因為攬學生會而識佢 當時大家可能年少無知 大家無同大家講什麼 但佢又會夜晚打俾我 我又會同佢講電話 星期六或日 大家一齊溫書 但唔知點解大家都無問過大家關係是什麼 之後到佢升中7 我見有個女仔成日去搵佢 但佢又同我講佢唔鍾意個女仔等說話 佢仲話佢會努力考好a-level 希望第日我唔使做 咁上下說話 我仲記得有一次小息 我自己一個去左教員室搵亞sir 就撞到個個女仔 個女仔好惡同我講 叫我唔好同佢搶仔 oh my god 之後個c 兄佢要準備A-LEVEL 我又準備會考 大家都有時會一齊溫下書 但個時因為學校排球隧有事所以我又好多野做 要幫手教下波 佢都唔鍾意我明知就快會考都仲打波 但我又唔聽佢講 最後大家不了了知之後我有一次係街撞到LEE 位C 兄 原來佢已經結左婚 仲叫做有D錢 大家都KEEP番CONTACT 啦 我同番自己D FD 講 佢地都話浪費哂如果唔係 我而家一定係少奶奶  哈哈 其實我想講: 愛情最開心係 大家估估下候 有時大家講到明 反而沒有意思 ( 不過只可以係年青時發生  因為女人無咩青春)說真 我一D都唔覺得浪費 反面我而家都覺得好開心 最少我有自己事業 少奶奶我都想做 但一定唔係畢業後就立即做  不過我都好多謝個位C兄幫左我咁多 哈哈