新居

2015年做左好大決定

(1) 轉工  事實上仲我都唔係好習慣  不過感覺係可以  同事都ok　其實我真係好感恩　打工咁多年撞到的同事都唔係好是非　


（２）　搬出黎　其實決定都好突然　事原男朋友住緊個到加租　咁佢又想買樓　又俾佢一睇就睇中　所以佢就問我有無興趣一齊住　新居現在仍裝修　但我地已經嘈過好多次交　個次我係嬲到喊　自己落車走左　我一定要記住　

事原係咁　其實由一開始決定左點裝修後　男朋友係無意見　佢話你話事啦　咩都我話事　好　都算　咁有次我約左佢　因為我有朋友話俾碗　碟　椅子　我地　因為佢新屋用唔著　所以我就約埋我男朋友拎　點知佢遲大到　原因話搵唔到車位　個類　其實事實係佢早一晚話通頂　遲左起身　之後我都算　到去睇下梳化　因為我想預下我心目中買家私要洗幾多錢　到我試　我同佢都睇中左一張　之後我話但可能買左　成個大廳會好細　佢問我　我地個廳幾大　我聽到火都黎　其實我已經晝好左個ｆｌｏｏｒ　ｐｌａｎ　俾佢睇　寫埋ｓｉｚｅ　佢都可以唔記得　之後我話　算啦　唔睇了　

之後我上次就爆佢　佢同我講　其實我唔想有意見　係因為我知道我同你都有意見一定嘈交　就好似而家咁　你知道我實尊重你　無問心　由你話點攪　咩我都無ｓａｙ　ｎｏ　係因為我實聽你講　我唔講出聲　唔係代表我唔緊張　你明唔明　但個一刻　我好嬲　（　其實而家諗　都唔知自己嬲咩）　哈哈　到夜晚　大家傾番件事　　就好番好多　

其實諗番男友講的說話　佢都無錯哂　不過都好多謝佢咁容忍我　哈哈　


不過搬走後　就會好小番屋企　而家諗起都想喊　

近況

原來都好耐無打日記了 不過真是好想紀錄一下

番左新工 一個星期了  多謝朋友 介紹    其實走唔走都諗左好耐 始終係以前公司做左好幾年 係有感覺  但人總是要長大   新公司 暫時感覺可以 只是好多野做 希望可以攪得掂

早排 同屋企人一行好多人去左沖繩玩  行程 住宿 都係我諗 我計劃 其實都幾驚 有咩安排唔好   幸好 大家都玩得好開心  其實行程都唔係好緊密 因為我地係老 ( 我亞爸, 亞媽 大姨 ) , 中 ( 我地 包括 我 家姐 男朋友 表哥 表姐 ) 幼 ( 破壞力好驚人的小朋友  好恐佈 ) 我地自己渣車  第一日 我表姐佢地同我同理我男朋友一部車 第二日 我男朋友立即話 唔可以再同佢地一部車 哈哈  夜晚我同表哥 同家姐 係酒店露台仔 傾計   好歹無試過 我地仲記得細細個 係亞姨 亞媽帶我地玩 而家 係我地帶番佢地 時間過得太快了 雖然行程短 但我覺得佢地老人家玩得好開心. 人大左 真是覺得屋企好重要   雖然去完 佢地係咁話 日本有咩好去 咩都貴 但我亞媽 買左幾袋手信派俾朋友  好貴 哈哈  可以的話 我表姐話下年再攪 . 哈哈


媽媽手術唔可以做住了   其實有好有唔好啦 .


最近因為一點限問題  要開始搵屋搬 ( 我自己)  希望盡快睇岩啦  

德國之旅 幕尼黑

上文講到 我地去完天鵝堡之後 我地就坐車出番去番酒店 meet 番 個兩位朋友

佢地帶我地去左食當地餐廳 其實我同番我家姐講 佢話我地好大膽 兩個女仔 同人地 三五識 7 就出左去玩

不過我見我地又係大街大巷食飯 應該都無咩問題,   食完飯 又行下 　去左地標　

瑪利恩廣場　　其實成坐野好大　不過我唔識影　後尾睇番書　原來日頭係會有表演　

不過夜晚都好靚

＜＜＜　　意粉好好呼　我地搵左好耐先刈意粉食　

最近心情好差　　睇完去旅行相　好想再去旅行　離開香港　　香港好嘈　　

吵架了

久違了 打blog   久違了 吵架 

係我錯  我又 硬頸   ?   

係好多人眼中 你係靚仔  有好職業  有高大  我應該捉實唔放   但其實我都有壓力  我好想做好€自己   

原來 我都已經好累  

好想停一停 諗一諗 

德國之夢  係唔係要實行  ?  

德國之旅 －－－ 幕尼黑

去完啤酒節 第二日行程 係去新天鵝堡 我上網睇 個個人都話好靚呀 必去

我地上網睇資料唔多 係火車站攪左勁耐 哈哈 我地後面原本排我地條隊個d人 走哂 哈哈 之後撞到一個識英文的人幫我地買 唔係我地就買左貴一倍車票了

買左車票我地就買早餐 外國真係咩都大件 我地兩個女仔share 一件pizza 都食唔哂

我地就車上面又自拍　我地成日影完都話　其實自拍黎都無用　都唔會記得我地去左邊　哈哈　

火車大約係兩個幾鍾就到了  基本人去到車站跟住人行就ok 我地最後無賣票入城堡睇 一黎太貴 二黎上網好多人唔買都可以 因為入面無咩野睇

　我地行緊上山時候　又影下　其實個日天氣唔係哂　我都唔明點解我地會帶眼鏡　哈哈　好好笑　

行緊上山時候　見到有人坐馬車代步　其實唔只馬　仲有接駁車物體　我地最後就係坐接駁車上去　都要俾一蚊定兩蚊　我地無車馬車　一黎貴　二黎覺得佢地好慘呀　我見到有兩隻車　馬車　坐左６個鬼佬上山　個個都大大件　好慘　

　就是這樣馬　見到都覺得慘　仲要行上山我朋友話　感覺到佢地好辛苦　

＜＜＜　　有個外國人幫我地影　又叫旁邊ｄ人借借　超好人

就是這個了　簡直好似　一幅畫咁　好靚　

影完地標　我地慢慢落山　又影另一個地標　

　好靚　

影完一個　圈　就係個到坐火車番出去幕尼黑了　正　

係車到　我地兩個都訓到死左　之後番酒店　因為約左第一晚識個班外國人一齊食飯　好開心

行程第三日

行程第三日 我地就出發去德國了  我地仲因為慳錢 仲價航空 玩做背包客

睇個背包都覺得重呢 哈哈  

我地仲要因為無得handcarry  我地又可能因為係華人 check 野比人嚴law 我覺得 哈哈 又或者我地個樣似壞人


德國之旅 我地第一站係幕尼黑 其實真心多謝友人相就 因為我想去就係因為啤酒節 上網睇 個個都讚好好玩 因為好多酒店都好爆 我地今次住lee 間 平時都係5百幾蚊一晚 今次我地租要成 千幾蚊晚   令到成個cost 拉高左
＜＜＜　　　酒店對出　其實好想係德國做工程　我眼見佢地起個ｄ　樓好多都係一樣　哈哈　

到步後 我地去左酒店check in 先  可能太少中國人去 德國  好多人都對我地好好奇 check in 時候 就有幾個外國人同我地傾計 我地仲要住埋同一層  原來佢地係英國人  好攪笑   之後我地約埋一齊去啤酒節   超開心 超愉快   我地試左好多唔同啤酒  又識左兩個外國人  最神奇係 我地交換左facebook　佢真係有ａｄｄ　我地　哈哈　佢話今年　７月黎香港玩　哈哈　

啤酒節入面部份俾人玩東東　

我地係啤酒節買左一個好似熱狗的包包食　　其實好難食　哈哈　不過無計

　我地玩到夜晚１１點幾就走左　好開心　　

歐洲之旅 -- 英國

第二日

原本我地今日1plan左去outlet   但我地兩個實在低估朝早番工人潮    我地就坎左班火車去outlet shopping 戈人`後我同朋友都覺得今次有錢多 係因為去唔到outlet 哈哈


去唔到都無計  我地去車站搵間coffee shop 坐低先 食左早餐先  間餐廳真是係咩人 好舒服

我坏第一餐  我鍾意佢杯咖啡  好正 

之後我地唯有轉場去唐人街 行下 食下野 仲買左歌劇戲票   之後我地兩個去左priima marl 掃野  再去左食海鮮  間野唔貴呀 仲好好味 我地誤打誤撞都撞到間好野 哈哈 事後 我地有一晚都去左encore 哈哈

係唐人街同左個派傳單的人兄影相  佢真係好正 個LOOK 

食完野 我地又見無咩野行 就番B&B 先 又同屋主傾下計  之後就有好多朋友都話香港好混亂 我朋友 即是我而家男朋友仲話 香港好混亂 最好唔好番黎 哈哈 我之後有問番佢咁仲個陣已經鍾意我  仲叩我唔好番黎 想點 哈哈  


夜少少 我地又出發去食小小野   之後就去睇歌劇   係我選   其實套野都係講革命  其實我想講 外國人睇劇 真係好識尊重   至少我睇個陣時  全場沒有人講電話

去歌劇院前佞的  都幾好味 

到TAKE BREAK 個陣  旁方有兩倨法國人同我地傾計 知道我地係香港黎 都叩我地加油 佢話個場革命  好多地方都有講 佢朋友仲SEND 左MOVIE 佢睇   好驚訝

我地睇左LEE 套 真係好好好好睇
睇完都夜了 我地仲去左間BAR 學人睇下 飲左一杯卜3走

歐洲之旅 @2014

原來好耐無打日記 係早兩日俾番我地去旅行相我 我先想起 我無打過歐洲之旅日記

今次我地歐洲之旅日記 地方 得三度 都去左好多日

包括: 英國 倫敦 加YORK

         德國 : 幕尼黑   柏林

                    維也納

第一度 係英國

          住宿 係b&b 機票我地2013年年尾買定  7千蚊有找 當然係轉機 但我已經覺得好抵 係坐卡搭爾空航 同國泰航空   我覺得前者 食物同坐位仲好過後者  位又闊  食物仲好味 又多野食 食到唔食 哈哈 

         我地一到步 就去住地方 我地係住b&b  價錢好抵 係一對台灣人攪 早餐又會整得好味  又會教我地去邊度好  

我影得唔係咁好  其實屋1面好似tiffany 色咁 好靚  我覺得好抵住 仲有洗淨衣機洗 3  係好緊要 

          我地第一日 就去左london bridge 我之前做野都去過 不過朋友未去過 所以又去左 不過去旅行感覺點都唔同d  開心好多   我地係旁邊間coffee shop 飲野  

梳洗完就出發去睇景了  之後我地又做埋港女野 就係自拍 我地仲帶左自拍神棍去   帶來好多外國人查詢 哈哈 

因為時差問題  我地好快就買野食番去b&b 度食  屋主仲煮左野俾我地食 陰功  好成咁 哈哈 傾傾左一陣計  我地就訓了  

           

復活節

又好耐無打blog了　　

而家要記番復活節做過咩　今年個假期真係玩到夠哂　

第一日: 同男朋友去左行山 好開心呀 美中不足係睇唔到日落  我地今次選址青衣  超開心 又唔難行 我覺得拍拖行山開心過行商場

<<<  好有竹林深處人家  

<<<  行到最高係咁 

第二日 同朋友去左帝京 食下午茶 唔知係人大左定咩呢 對於lee d 甜點 開始食唔多

第三日 一年一度掃墓日 男朋友主動話黎 仲俾我屋企個幾個細路仔 玩到傻 哥哥前 哥哥後 陰功 哈哈 掃墓個日超好陽光 幾驚中暑  掃完都2點幾 同男朋友係西貢食左個下午茱 行左陣街就回家了

第4日  約左一班中學同學去行山 去左蒲台島  個日真係萬里無雲 但真係好開心呀 個個地方好高 我地見到有大肚婆行 仲行得快過我地 超勁  我地成班同學拍理一齊總係笑聲唔停 不經不覺畢業十幾年了 但仍然可以一齊 友誼真是好難得 我會好好珍惜這份友誼

我地成班都話十年後 一定行唔到  分分鍾係個島食個面就走 哈哈 

我地一班中學到而家一齊玩同學 我見到佢地 就會好開心 好relax  

今個假期過得好充實呀 多謝大家     我都好多謝男朋友   安排咁多節目       當我回望我倆合照時 我總是心存感恩    

因為無論樂與悲   你都會聽    你總會笑我 發生的事   你話好鍾意我笑       我悲時   你會願意聽      多謝你 

  

自助山

岩岩過左的星期二 同男朋友去左佞食灣仔的自助山

其實好幾年了 係澳門食過 男友又好想試 所以我一個月前就打去 超難打呀

其實價錢都唔係便宜 但我真心覺得唔值

食物都係大路野

冷盤有: 生豪  我食左一ROUND) 因為唔係好好食 , 龍蝦  都幾大隻 好好食 , 長腳蟹   我覺得好好食 我食左好多隻 哈哈  日本刺身 我都係食左二ROUND ( 二文魚, 生蝦同帶子 ) 好好味

熱盤:  我覺得佢點心好好味 我佞左好多粒燒賣 哈哈 燒豬都好味 其餘應該我覺得普通 所以唔記得

女士最愛:  我覺得佢D DESSERT 簡直唔掂  生果又少選擇最好味係佢個炒雪糕   無了

我諗佢差不多7百蚊位 有300蚊係食景   早知食萬麗算啦  男友話個卡打得好貴 哈哈  ( 因為我一去到竟打卡 )  哈哈

好多謝男友 其實岩岩過左個個星期 佢真係好多野做   我地岩岩過左個個星期 就係見左星期二同尋日   不過佢都用時間陪我去  

聽日男朋友正式見家長  佢好緊張 哈哈   佢話緊張過見升級試 哈哈   點都好 多謝你俾我十年後重遇你  

Happy Saturday

最近男友工作好多野做呀  恐怖到係 有一個星期日 我地相約班朋友行山 我地去到東涌等緊班朋友 佢接到佢上司電話 叩佢立即番去  唉 其實我都好唔開心 因為難得約到一班朋友  佢又叫我陪佢番去 唉  我個日係間café 坐左4個鍾 飲左兩杯野 佢先走得 唉

係某一個星期5 佢話頂唔順 今日一定要早放工 其實佢個個星期 已經日日0630-2130 或者更夜

佢帶左我去食一間其竹坑食 好好味  特別係魚  好味道 哈哈 食完野仲有禮物 其實人大左 禮物已經唔重要 其實我都開心 因為佢咁多野做 都用一個鍾食飯時間去買禮物俾我慶祝一百日 反而我咩都無準備 哈哈 點都好啦  多謝男友 哈哈

情人節

其實有無拍拖都好 情人節對於我黎講 都係唔重要 因為要同人迫 又要使錢 但可能今年係我同男朋友第一舍情人節 佢已經安排好哂所有節目 哈哈 

我地第一站去左銅鑼灣食晏 間野叫 < las vegas＞　間野好靚下　食物都好味　最鍾意佢地係無情人節餐　哈哈　

之後我地去左睇　＜　叮噹＞　好好睇呀　睇到我喊　男友話我仲喊得勁過前後左人小朋友　哈哈　

睇完戲　我地就去左ｓｏｇｏ　買今晚部份材料　就番男朋友屋企　佢負責做今晚大廚　其實佢煮野係有一手　加上我都同佢講左唔想出街食　我地係ｓｏｇｏ　買左兩塊靚牛　ｈｅｈｅ

好開心呀　今年係我地第一年情人節　不過我係買禮物　男朋友好行咁買左花　不過我叫左佢唔好再買　因為好浪費　不過點都好　好多謝佢做的所有．　有朋友話我地相識十幾年　再係朋友聚會上見番　係見好有”原”的事．　我會好好珍惜而家的事　

2014年回顧

原來已經好耐沒有打blog了　但小不免都要做下回顧

（１）　工作上：　不過不失　人工有加　花紅有分　但開始面對唔上唔落了　個心好想去working hoilday 　一生人一次　但仲諗緊　好煩惱

（２）　愛情上：　自從上年失戀後　朋友不斷介紹男仔俾我　哈哈　好開心　多謝大家　


（３）　個人：　今日去左好多地方　去左台中　探朋友　去左英國探朋友　再去左德國　加維也納　當係德國的時候就正正是　香港佔領時候　當外國人得知我係黎自香港　佢地都好支持　　我有一日仲走左去幫手　叫外國人去簽名支持　哈哈　


（４）友情上：　最近同一位相識十多年的朋友反左面　其實正確黎講　佢嬲左我　　佢同我朋友講忍左我好耐　到最近頂唔到　又話我份人太ｏｖｅｒ　太自以為是　經常性ｉｇｎｏｒｅ　佢　其實應該仲有好多　起初聽到　其實真係好唔開心　因為我成日覺得朋友有咩野都可以講　我ｓｅｎｄ左　三次ｍｓｇ　俾佢講對唔住　但佢都沒有覆　我覺得我可以做的都夠了　男友叫我唔好理佢　話佢小氣　　有朋友幫我問過佢　佢都係講ｄ唔講ｄ　最近我覺得做朋友係講”原”份　如果”原”份到　點留都留唔到．　有朋友告知我與老公準備離婚了　其實好可惜　因為我二年前先好開心去佢地婚禮　仲做左ｍｃ　不過朋友家事我都唔可以講太多　

（５）　香港最令人深刻應該是　：　佔領時候　身為香港人可能人人政見唔同　但我最記得有位老人家話：　我地上一代係因為唔想面對共產黨先黎香港　我企出黎就是唔想我的下一代要去面對共產黨　聽完　我眼淚都引唔住流　雖然自己做的唔多　但至少有出過力　　

２０１５年　會係點　無人知　只希望人人身體健康　包括我；　因為我玩左４日後　１／１／２０１５　個日燒到４０度　而家退左燒　但把聲係男人聲　我亞媽佢地去左旅行　打番屋企　我聽　佢地以為打錯　頂